Праваабарончы цэнтр «ВЯСНА»

Навіны за Лістапад 2014

27.11.2014 Марына Лобава: Наведала сына, ён чакае вызвалення

Марына Лобава, маці палітычнага вязня Эдуарда Лобава, які адбывае пакаранне ў Івацэвіцкай калоніі, 25 лістапада мела кароткае спатканне з сынам.

27.11.2014 Брэст: адказваць на звароты дэпутаты пачалі пасля таго, як на іх паскардзіліся ў пракуратуру

Актывісты грамадскай ініцыятывы “Сацыяльны офіс” атрымалі лісты з адказамі ад некаторых дэпутатаў Брэсцкага гарадскога Савету. Пытанні да народных абраннікаў тычыліся таго, як яны збіраюцца рабіць справаздачу аб сваёй дзейнасці перад выбаршчыкамі.

27.11.2014 Журналістку-фрылансера Тамару Шчапёткіну выклікаюць у міліцыю

Пра гэта паведаміў ёй па тэлефоне а 15 гадзіне 26-га лістапада намеснік начальніка аддзела аховы грамадскага парадку Бярозаўскага РАУС Мікалай Пракурат. Ён сказаў, што Шчапёткіна павінна з’явіцца ў міліцыю па прычыне журналісцкай дзейнасці на Радыё Рацыя.

27.11.2014 Алесь Бяляцкі: "Рашэнне Камітэта па правах чалавека ААН успрыняў як асабістую сатысфакцыю" (тэкст дакумента)

Праваабарончы цэнтр “Вясна” прадстаўляе неафіцыйны пераклад рашэння Камітэта па правах чалавека ААН па справе кіраўніка арганізацыі і віцэ-прэзідэнта Міжнароднай федэрацыі за правы чалавека Алеся Бяляцкага.

26.11.2014 Вітаем новы Дом правоў чалавека ў Чарнігаве!

У Чарнігаве адбылося адкрыццё Дома правоў чалавека, які будзе выконваць ролю каардынацыйнага цэнтра для праваабаронцаў з розных рэгіёнаў Украіны.

26.11.2014 "Азербайджан застанецца ў гісторыі як краіна, якая дапусціла нябачаны ціск на праваабаронцаў"

Нілс Муйжніекс, Камісар па правах чалавека Савета Еўропы, назваў самай складанай сваёй місіяй візіт у Азербайджан, дзе ён наведаў праваабаронцаў-палітвязняў.

26.11.2014 Адкрыты ліст Еўрапейскай федэрацыі журналістаў і Беларускай асацыяцыі журналістаў у cувязі з пераследам віцебскіх калег

26 лістапада тэкст адкрытага ліста будзе адпраўлены ва УУС Віцебскага аблвыканкама і ў аддзел аховы правапарадку і прафілактыкі АУС Чыгуначнага раёна Віцебска, паведамляе прэс-служба БАЖ.

25.11.2014 Андрэя Гайдукова асудзілі на 10 сутак арышту

Суддзя Полацкага гарадскога суда Уладзімір Бясецкі прызнаў былога палітвязня вінаватым у парушэнні артыкула 23.34 КаАП і за "правядзенне несанкцыянаванага пікета з раздачай улётак" прысудзіў Андрэю Гайдукову арышт на 10 сутак. Інцыдэнт, які разбіраўся ў судзе, адбыўся ўчора, 24 лістапада, у Полацку.

25.11.2014 “Крэатыўныя метады” барацьбы з пікетамі ў Светлагорску

Новыя формы барацьбы з пратэстамі вынайшлі светлагорскія ўлады: пры спробе зладзіць пікет грамадскага актывіста забрала не міліцыя, а хуткая дапамога.

25.11.2014 Гродна: яшчэ чатыры аштрафаваныя за прысутнасць у Свіслачы на Дні памяці

Публіцыст і праваабаронца Уладзімір Хільмановіч і актывіст партыі АГП Ежы Грыгенча - на 35 базавых велічынь кожны, а журналіст Радыё Свабода Міхаіл Карневіч і актывіст партыі АГП Віталь Лопасаў - на 15 базавых велічынь кожны.

25.11.2014 Магілёвец Валадар Цурпанаў просіць вярнуць адказнасць за парушэнне закона аб зваротах грамадзян

11 ліпеня 2014 года выйшла новая рэдакцыя Кодэкса аб адміністрацыйных правапарушэннях, у якую былі ўнесены змены, якія знялі з чыноўнікаў адказнасць за адказ не на мове звароту грамадзян, хаця фармальна падобнае дзеянне застаецца парушэннем заканадаўства.

25.11.2014 Навукоўцы з Казахстана прэзентавалі ў Мінску праект пра ахвяраў палітычных рэпрэсій сталінізму

З мэтай зрабіць свой унёсак у навуковае асэнсаванне гісторыі Карлага — часткі сталінскага ГУЛАГа — карагандзінскія даследчыкі прааналізавалі шмат дакументаў, архіўных матэрыялаў, правялі сустрэчы з былымі палітзняволенымі, ваеннапалоннымі.

25.11.2014 Юрася Беленькага будуць судзіць за шэсце ў Лошыцу

Чарговы адміністратыўны працэс над намеснікам старшыні Кансерватыўна-хрысціянскай партыі БНФ Юрасём Беленькім адбудзецца 28 лістапада ў судзе Ленінскага раёна Мінска. Пачатак у 11:30.

25.11.2014 У Светлагорску інваліда на вазку затрымалі падчас забароненага ўладамі пікета

Па словах відавочцаў, як толькі актывіст на інвалідным вазку разгарнуў плакат з фразай «Долой беспредел!», да яго адразу ж пад'ехала машына «хуткай дапамогі». Юрыя Ляшэнку разам з вазком занесці ў аўтамабіль і павезлі ў невядомым напрамку.

25.11.2014 Андрэя Гайдукова пачалі судзіць, не чакаючы адваката

Былога палітвязня, якога затрымалі ў Полацку 24 лістапада за распаўсюд улётак пра палітвязняў, забралі ў суд проста з кватэры. Хаця раней яму была ўручана позва ў суд на чацвер, 27 лістапада.