Праваабарончы цэнтр «ВЯСНА»

Навіны за 16 кастрычніка 2020

16.10.2020 Палітвязня Паўла Пяскова аштрафавалі за вераснёвае шэсце ў Маладзечне

У судзе Маладзечанскага раёна 16 кастрычніка судзілі палітвязня Паўла Пяскова паводле артыкула 23.34 КаАП за ўдзел у вераснёвым шэсці, піша "Рэгіянальная газета".

16.10.2020 Стан палітвязня Вячаслава Рагашчука ў СІЗА пагаршаецца. Родныя настойваюць на яго шпіталізацыі

Сястра палітвязня Вячаслава Рагашчука паведаміла "Вясне", што 13 кастрычніка атрымала ліст ад брата, дзе ён працягвае скардзіцца на сваё здароўе. Лекар у СІЗА сказала яму, што гэта можа быць "кровазліццё, страсенне мозгу або траўма галавы". Родныя Вячаслава настойваюць, што яму неабходна паўнавартаснае абследаванне галавы для належнага лячэння ў адпаведнасці з дыягназам. Яны асцерагаюцца пагаршэння стану яго здароўя.

16.10.2020 Праваабаронцы нагадалі пра рэкамендацыі беларускім уладам пад час сайд-івенту для дэлегацый Савета па правах чалавека

16 кастрычніка адбыўся сайд-івент па сітуацыі з правамі чалавека ў Беларусі. Мерапрыемства праходзіла для дэлегацый Савета па правах чалавека ААН з анлайн удзелам беларускіх праваабаронцаў

16.10.2020 "Па БТ назвалі расійскім апазіцыянерам, а я з Беларусі не выязджаў з часоў развалу Савецкага Саюза"

Мінчанін распавёў «Вясне», як ён трапіў у сюжэт БТ, дзе яго прадставілі як удзельніка масавых беспарадкаў з Расіі, як яго судзілі ў адных трусах у ЦІПе, як на Акрэсціна прыязджаў «высокапастаўлены чыноўнік», як ён адбываў ўсе 15 сутак толькі з-за наяўнасці судзімасцяў і як на яго распачалі крымінальную справу па ч. 2 арт. 293 КК, але не распачалі справу па факце збіцця яго пры затрыманні і на Акрэсціна.

16.10.2020 Затрыманні ў Магілёве і Берасці

Да Ірыны Вярбіцкай, жонкі збітага і затрыманага медыка Андрэя Вярбіцкага, на работу прыязджалі супрацоўнікі міліцыі.

16.10.2020 СК: Святлана Ціханоўская абвешчаная ў міждзяржаўны вышук у межах крымінальнай справы

Раней заяўлялася, што Святлана Ціханоўская абвешчаная ў міждзяржаўны вышук. Аднак толькі сёння, 16 кастрычніка, Следчы камітэт Беларусі ўпершыню пракаментаваў інфармацыю аб вышуку Святланы Ціханоўскай.

16.10.2020 Вынікі разгляду адміністрацыйных спраў за пятніцу, 16 кастрычніка

16 кастрычніка ў Мінску і рэгіёнах працягваюць судзіць удзельнікаў мірных акцый пратэсту, што адбыліся ў апошні час. Таксама будуць разглядацца адміністрацыйныя справы затрыманых актывістаў на папярэдніх пратэстах.

16.10.2020 Беларускі Хельсінкскі камітэт патрабуе спыніць рэпрэсіі супраць Леаніда Мархоткі

РПГА "Беларускі Хельсінкскі Камітэт" распаўсюдзіў заяву, у якой патрабуе спыніць рэпрэсіі супраць сябра Рады арганізацыі Леаніда Мархоткі і вызваліць яго ад адбыцця адміністрацыйнага арышту.