Праваабарончы цэнтр «ВЯСНА»

Навіны за 1 кастрычніка 2010

01.10.2010 Выбары Прэзідэнта Рэспублікі Беларусь 2010: папярэднія высновы назірання за першымі тыднямі выбарчай кампаніі

У цэлым, з пункту глеждання арганізацыі выбарчага працэса, першыя два тыдні выбарчай кампаніі 2010 года амаль нічым не адрозніваюцца ад першых двух тыдняў кампаніі па выбарах Прэзідэнта 2006 года.

01.10.2010 Яўгена Якавенку зноў хочуць прызваць у войска

Сябра ствараемай партыі Беларуская Хрысьціанская Дэмакратыя Яўген Якавенка, які ў чэрвені гэтага году быў асуджаны да 1 году абмежаваньня волі з накіраваньнем ва ўстанову адкрытага тыпу, атрымаў адказ з Міністэрства абароны на сваю заяву, у якой прасіў прадставіць магчымасьць прайсьці альтэрнатыўную грамадзянскую службу.

Выбары Прэзідэнта Рэспублікі Беларусь 2010: папярэдняя справаздача па выніках назірання за фармаваннем тэрытарыяльных выбарчых камісій

01.10.2010 Выбары Прэзідэнта Рэспублікі Беларусь 2010: папярэдняя справаздача па выніках назірання за фармаваннем тэрытарыяльных выбарчых камісій

“Праваабаронцы за свабодныя выбары” прапануюць азнаёміцца з папярэдняй справаздачай па маніторынгу фармавання тэрытарыяльных камісій па выбарах Прэзідэнта Рэспублікі Беларусь.

01.10.2010 Валерыя Шчукіна пакаралі на мільён рублёў

Суд Ленінскага раёну Магілёва сёньня аштрафаваў праваабаронцу Валерыя Шчукіна на трыццаць базавых велічыняў — гэта адзін мільён пяцьдзясят тысяч рублёў. Судзьдзя Станіслаў Шандаровіч прызнаў яго вінаватым у вырабе, дастаўцы й распаўсюдзе друкаванай прадукцыі, вырабленай з парушэньнем беларускага заканадаўства.

01.10.2010 Барань: Збор подпісаў на прыпынках забаронены - па незразумелых прычынах

Горад Барань адміністратыўна адносіцца да Аршанскага гарсавету. Асаблівае здзіўленне сябраў ініцыятыўных групаў выклікае тое, што ў горадзе Орша на прыпынках збіраць подпісы дазваляецца, а ў Барані, як цяпер высветлілася, нельга. Чым такім асаблівым адрозніваюцца бараньския прыпынкі, якое асаблівае стратэгічнае значэнне яны маюць - на гэта пытанне адказу ў рашэнні мясцовых чыноўнікаў не ўтрымліваецца.

01.10.2010 Корбан, Стральцоў… Хто наступны?

Два дні запар тэлефон Алеся Стральцова абрывае нейкі Сяргей Іванавіч, які надта хоча пагутарыць з актывістам наконт даўняй “справы 14-ці” і яе фігурантах. Гэты супрацоўнік невядома якой сілавой структуры пагадзіўся нават прыехаць на сустрэчу сам.

01.10.2010 "Праваабаронцы за свабодныя выбары": У фармаванні ТВК станоўчых зменаў не адбылося

Прэс-канферэнцыя кампаніі “Правабаронцы за свабодныя выбары” па выніках першага этапа выбарчай кампаніі адбылася 1 кастрычніка ў Менску. Назіральнікі параўналі сітуацыю з выбарамі кіраўніка дзяржавы з той, што мела месца на папярэдніх выбарах. Намеснік старшыні Праваабарончага цэнтру “Вясна” Валянцін Стэфановіч і кіраўнік юрыдычнай камісіі Беларускага Хельсінкскага камітэту Гары Паганяйла адзначылі некаторы прагрэс у плане дэмакратычнасці выбарчага працэсу, але ў цэлым – звыклую карціну парушэнняў з боку ўлады.

01.10.2010 Бабруйск: У складзе раённых камісій - два дзеючых дэпутаты

У газеце гарвыканкама “Бабруйскае жыццё” апублікаваны спіс людзей, якія ўвайшлі ў гарадскія камісіі Ленінскага і Першамайскага раёнаў. Пасады, якія займаюць сябры камісіі не пазначаныя. Але калі пацікавіцца гэтым, аказваецца, што большая частка з іх не толькі займаюць кіруючыя пасады, але і ўдзельнічалі ў мінулых выбарах.

01.10.2010 Рашэнні аб фармаванні Аршанскай гарадской і Аршанскай раённай камісій абскарджаны ў судзе

Крытэрыі адбору сяброў камісіі невядомы, прычыны, па якіх прадстаўнікі не ўключаны ў склад камісіі, не растлумачаны, акрамя таго, кандыдатуры, вылучаныя ў склад камісіі, не абмяркоўваліся наогул і не агучваліся. У сувязі з гэтым заяўнікі просяць рашэнні аб фармаванні камісій прызнаць незаконнымі.

01.10.2010 Гарадзеншчына: Адных вучаць, іншых не інфармуюць

Сёння, 1 кастрычніка, у Гарадзенскім аблвыканкаме намеснік старшыні Цэнтральнай Выбарчай Камісіі Мікалай Лазавік правёў навучальны семінар для старшыняў тэрытарыяльных выбарчых камісій з усёй вобласці. Невядома, пра што там ішла гутарка, але можна адзначыць, што інфармацыі, якая датычыць выбараў Прэзідэнта Рэспублікі Беларусь і адрасаваная грамадзянам, бракуе.

01.10.2010 Гомельскі абласны суд палічыў правамоцным неўключэнне апазіцыянераў у склад камісіі

Абласныя структуры партый «Справядлівы свет», АГП і БНФ спрабавалі праз суд аспрэчыць адмову прэзідыуму Гомельскага аблвыканкаму і Савета дэпутатаў уключыць у склад абласной выбарчай камісіі прадстаўнікоў партый.

01.10.2010 Мін'юст не прадставіў у суд дакумэнты пра "Правы альянс"

У менскім гаспадарчым судзе адбылося другое пасяджэньне суду паводле пазову Менгарвыканкаму да інфармацыйна-кансалтынгавай установы "Правы альянс".

01.10.2010 Міліцыянты затрымалі яшчэ дваіх анархістаў

30 верасня міліцыянты затрымалі грамадскага актывіста Барыса Ашчэпкава. Як паведамляе сайт Indymedia Belarus, да хлопца ў кватэру ўварваліся, выламаўшы дзверы. Барыс дапамагаў бацькам і сябрам арыштаваных актывістаў падтрымліваць сувязь з праваабаронцамі.

01.10.2010 Баранавічы: Паседжанне гарадской камісіі ў рангу “дзяржаўнай таямніцы”

30 верасня адбылося першае паседжанне Баранавіцкай гарадской тэрытарыяльнай выбарчай камісіі, якое, па-сутнасці, было тайным.

01.10.2010 Раённыя камісіі Гомеля: чыноўнікі ўключаны ад грамадскіх аб'яднанняў

Гаворачы пра чыноўнікаў, якія ў нас, калі Радзіма пакліча, робяцца грамадскасцю, нагадаем прымаўку: «Сам іграю, сам пяю, сам білеты раздаю». Цікава, якая роля адведзена насельніцтву — гледачоў ці статыстаў, калі прадстаўнікі ўлады лічаць галасы, аддадзеныя «за» ці «супраць» той самай улады?