Праваабарончы цэнтр «ВЯСНА»

Навіны за 8 кастрычніка 2010

08.10.2010 У Оршы больш за ўсё падпісваюцца за Някляева і Раманчука

Аб самай вялікай колькасці сабраных подпісаў - больш за дзве тысячы рапартуе штаб Уладзіміра Някляева. Яго зборшчыкі ў асноўным практыкуюць абыход кватэр. Ненашмат менш - каля паўтары тысяч подпісаў мае ў сваім распараджэнні аршанская каманда Яраслава Раманчука. Пра гэта паведаміў яго кіраўнік Уладзімір Юржыц.

08.10.2010 Аршанская гарадская камісія пакідае гарвыканкам

Шматгадовая традыцыя зламаная. У адпаведнасці з прынятымі змяненнямі гарадская камісія па выбарах будзе размяшчацца ў дзіцячай школе мастацтваў. Прэзідыум гарсавета і гарвыканкам лічаць, што тым самым камісія зможа працаваць больш справядліва, без аглядкі на мясцовую ўладу, размешчаную ў будынку выканкаму.

08.10.2010 Чачэрск: выбары — гэта нарыхтоўка бульбы ва ўмовах мабілізацыі чыноўнікаў

У раённай газеце «Чачэрскі вестнік» у рубрыцы «Выбары-2010» змешчаны тры артыкулы: пра функцыі раённай улады пры правядзенні выбараў, акрэдытацыю міжнародных назіральнікаў і, як не дзіўна, пра нарыхтоўку бульбы.

08.10.2010 Гродна: Афіцыйная прэса не надае збору подпісаў аніякай увагі

“Гродзенскую праўду”, “Вечерний Гродно” і рэгіянальную газету “Перспектива” пакуль ніяк не зацікавіў збор подпісаў камандамі асобаў, якія маюць намер зарэгістравацца кандыдатамі ў прэзідэнты. Між тым слабая інфармаванасць насельніцтва час ад часу праяўляецца. Чарговы выпадак некарэктнасці ініцыятыўнай групы Аляксандра Лукашэнкі зафіксаваны ў Гродзенскім раёне.

08.10.2010 Адбудзецца круглы стол па справе "Новага жыцця"

14 кастрычніка, у 12 гадзін адбудзецца круглы стол па справе царквы “Новае жыццё”. Гэты стол склікаецца па ініцыятыве Партыі БХД і адбудзецца ў будынку царквы па вул. Кавалёва, 72.

08.10.2010 Калі Беларусь увядзе мараторый на смяротнае пакаранне?

Увядзенне мараторыя на смяротнае пакаранне ў Беларусі будзе магчыма тады, калі грамадскае меркаванне зменіцца істотна. Аб гэтым на адкрыцці выставы “Смерць — гэта не правасуддзе” ў сталічным Музеі гісторыі Вялікай Айчыннай вайны заявіў старшыня сталай камісіі Палаты прадстаўнікоў па заканадаўстве і судова-прававых пытаннях, кіраўнік рабочай групы па вывучэнні праблематыкі смяротнага пакарання Мікалай Самасейка.

08.10.2010 Бабруйск: Подпісы за Лукашэнку збіраюць у дзіцячых садках і інтэрнаце аўтаколеджа

У 5-м і 6-м мікрараёнах Бабруйска загадчыкі дзіцячых садкоў збіраюць подпісы ў сваіх калектывах. Пра гэта сябрам ініцыятыўнай групы Р.Кастусёва падчас збору подпісаў паведаміла супрацоўніца аднога з садкоў.

08.10.2010 Прадпрымальнікі паставілі Лукашэнку ўльтыматум

Прадпрымальнікі заклікаюць улады скасаваць законапраект аб малым і сярэднім бізнесе, які можа падпісаць Аляксандр Лукашэнка.

08.10.2010 Амаль 26 тысяч жыхароў Гомельскай вобласці хворыя на хранічны алкагалізм

25,8 тысячы жыхароў Гомельскай вобласці стаяць на ўліку як хранічныя алкаголікі (ці 1.797 чалавек на 100 тыс. насельніцтва), паведаміў 8 кастрычніка на прэс-канферэнцыі ў Гомелі загадчык Гомельскага абласнога наркалагічнага дыспансера Дзмітрый Цярэшчанка.

08.10.2010 Гродна: Ніякіх слядоў ажно 11 ініцыятыўных групаў знайсці не ўдалося

У Гродне актыўна збор подпісаў вядуць толькі 6 ініцыятыўных групаў: за дэмакратычных вылучэнцаў – штабы Рыгора Кастусёва, Андрэя Саннікава, Уладзіміра Някляева, Віталя Рымашэўскага, Яраслава Раманчука, а таксама ініцыятыўная група Аляксандра Лукашэнкі. Ніякіх слядоў ажно 11 іншых прэтэндэнтаў дагэтуль у горадзе над Нёманам не было заўважана. Асабліва цікава ў гэтым рэчышчы выглядае асоба Сяргея Гайдукевіча. Ён заявіў, што ўжо сабраў патрэбныя 100 тысяч подпісаў, а потым зняў сваю кандыдатуру. У абласным цэнтры за тыдзень не аб’явіўся аніводны зборшык подпісаў з ініцыятыўнай групы лідара ЛДПБ.

08.10.2010 Баранавічы: Прымус у адукацыйных установах

7 кастрычніка 2010 года намесніца начальніка ўпраўлення адукацыі Баранавіцкага гарвыканкама Марыя Святлакова правяла тэрміновую нараду з настаўнікамі, якія ўваходзяць у склад ініцыятыўнай групы Аляксандра Лукашэнкі. Яна ў катэгарычнай форме запатрабавала ад настаўнікаў сабраць як мінімум па 200 подпісаў за дзеючага прэзідэнта. Падобная сітуацыя склалася і ў Баранавіцкім дзяржаўным універсітэце.

08.10.2010 "Зялёныя" не губляюць надзеі сабраць 100 тысяч подпісаў

Партыя «Зялёныя» упарта працягвае верыць ва ўласны поспех у гэтай прэзыдэнцкай кампаніі, і разглядае сваё зняцце з выбарчай гонкі пакуль як гіпатэтычнае. Такім чынам, у перадвыбарчым марафоне працягваюць ўдзел 15 кандыдатаў.

08.10.2010 Супрацоўнік Аставецкага райвыканкама абразіў актывіста падчас суду

Актывіст Руху "За Свабоду" Іван Крук падаў з гэтай нагоды скаргу ў РАУС.

08.10.2010 Магілёў: Тэлефон абласной выбарчай камісіі ў даведцы “109” адсутнічае

Аператар прапаноўвае толькі нумары тэлефонаў выбарчых участкаў, якія былі на мінулых выбарах у мясцовыя Саветы дэпутатаў і тлумачыць адсутнасць інфармацыі аб выбарчых камісіях тым, што яшчэ ніхто не перадаваў свежыя дадзеныя з нумарамі тэлефонаў новаўтвораных камісій.

08.10.2010 Слонім: Збор подпісаў ідзе цяжка

Збор подпісаў за вылучэнне кандыдатаў у прэзідэнты на Слонімшчыне ідзе даволі няпроста. Пра гэта паведамляюць сябры ініцыятыўных групаў. Толькі кіраўнік ініцыятыўнай групы А.Лукашэнкі, старшыня слонімскай суполкі ГА “Белая Русь” Уладзімір Пастэрнак на пытанне пра колькасць подпісаў сказаў, што іх сабрана вельмі многа. Аднак канкрэтную лічбу ён так і не назваў.