Праваабарончы цэнтр «ВЯСНА»

Навіны за 26 кастрычніка 2010

26.10.2010 Партыі БХД чарговы раз адмовілі ў рэгістрацыі

Міністэрства юстыцыі чарговы раз адмовіла актывістам Беларускай хрысціянскай дэмакратыі ў рэгістрацыі палітычнай партыі.

26.10.2010 Баранавічы: Усебеларускі народны сход – піяр дзеючага прэзідэнта

Так лічаць 69% чытачоў Баранавіцкай недзяржаўнай газеты “Intex-press”, у апытанні на сайце якой прыняло ўдзел 145 чалавек.

26.10.2010 Гродзенскі раён: Адміністрацыйны ціск у СВК “Азёры”

Жыхар мястэчка Азёры, што ў 30 кіламетрах ад Гродна, Канстанцін Дзмітрыеў падаў скаргу ў ЦВК на дзеянні адміністрацыі ў сельскагаспадарча-вытворчым кааператыве “Азёры”.

26.10.2010 Камітэт па правах чалавека ААН прыняў да разгляду скаргу Тараса Сургана

Камітэт па правах чалавека ААН прыняў да разгляду скаргу віцебскага грамадскага актывіста Тараса Сургана, які вывесіў на мосце бел-чырвона-белы сцяг.

26.10.2010 БХД просіць Генпракуратуру прыцягнуць да адказнасці міністра юстыцыі

Аргкамітэт па стварэнні партыі «Беларуская хрысціянская дэмакратыя» (БХД) просіць Генеральную пракуратуру прыцягнуць да адказнасці міністра юстыцыі Віктара Галаванава. Адпаведная заява ў Генпракуратуру пададзена 26 кастрычніка, паведаміў сустаршыня аргкамітэта па стварэнні БХД Павел Севярынец.

26.10.2010 Гомель: На тэрыторыі прадпрыемства «Віпра» подпісы за Лукашэнку збіраюць у працоўны час

Гомельскія праваабаронцы зафіксавалі факт збору подпісаў за вылучэнне кандыдатам у прэзідэнты Аляксандра Лукашэнкі на тэрыторыі прадпрыемства ў працоўны час. «Віпра» з'яўляецца найбуйнейшым у сістэме таварыства глухіх прадпрыемствам, дзе працуе 840 чалавек.

26.10.2010 Гары Паганяйла: ЦВК перавышае паўнамоцтвы

Суд Маскоўскага раёну Менску разгледзеў пазоў вядомага юрыста, старшыні юрыдычнага аддзела Беларускага Хельсінкскага камітэта Гары Паганяйла. Падставай для звароту да правасуддзя паслужыла пастанова Цэнтрвыбаркама ад 15 верасня 2010 N 49, што абмяжоўвае парадак накіравання ў выбарчыя камісіі назіральнікаў ад партый і грамадскіх арганізацый.

26.10.2010 Сябра Мінскай гарадской камісіі: “Ініцыятыўнай групе А.Лукашэнкі неабходна вынесці папярэджанне” (відэа збору подпісаў не сябрамі ініцыятыўнай групы)

Ініцыятыўнай групе А.Лукашэнкі неабходна вынесці папярэджанне -- у гэтым упэўненая сябра Мінскай гарадской выбарчай камісіі юрыст Галіна Сямдзянава, якая ўдзельнічала ў разглядзе скаргі на парушэнні пры зборы подпісаў сябрамі ініцыятыўнай групы кіраўніка дзяржавы. Г. Сямдзянава збіраецца звярнуцца ў ЦВК.

26.10.2010 Барысаў. Някляеўцы злавілі правакатараў

Сябры ініцыятыўнай групы, якія збіраюць подпісы за патэнцыйнага кандыдата Уладзімера Някляева ў Барысаве, сутыкнуліся з нечаканай праблемай: у горадзе аб'явіліся фальшывыя зборшчыкі подпісаў

26.10.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Праграма складаецца з чатырох паасобных рубрык: “Хроніка пераследу”, “Час выбару”, “Інтэрв’ю са змагаром за дэмакратычныя каштоўнасці” і “Захаваем жыццё”.

Час выхаду праграмы ў эфір – 15-05. Таксама ў гэты час яе можна слухаць праз інтэрнэт на сайце www.racyja.com.

26.10.2010 Жодзіна: Назіральнік просіць рассакрэціць ад яго паседжанні гарадской камісіі

Назіральнік звярнуўся ў Жодзінскую ТВК з просьбай прадставіць яму магчымасць прысутнічаць на паседжанні падчас праверкі подпісаў, сабраных ініцыятыўнымі групамі прэтэндэнтаў у кандыдаты.

26.10.2010 Нараўлянскі выканкам падтрымлівае Лукашэнку адкрыта, а жыткавіцкае “Новае жыццё”- стрымана

Чым далей раённы цэнтр ад абласнога, тым больш асвятленне кампаніі па выбарах Прэзідэнта Рэспублікі Беларусь набывае ўражанне шэраговага мерапрыемства. А сям-там раённыя выканаўчыя камітэты і дзяржаўныя газеты адкрыта падтрымліваюць Аляксандра Лукашэнку.

26.10.2010 Светлагорск: Участковыя камісіі яшчэ не сфармаваны, а па дамах ужо ходзяць іх «прадстаўнікі»

Паводле заканадаўства, участковыя камісіі фарміруюцца не раней 1 лістапада. Аднак у Светлагорску «прадстаўнікі ўчастковых выбарчых камісій» ужо звяраюць спісы выбаршчыкаў. Апазіцыя, якая хоча ўдзельнічаць у працы камісій, лічыць: улада сфарміравала іх таемна.

26.10.2010 Намеснік міністра інфармацыі праінструктаваў раённыя СМІ

Як стала вядома "Праваабаронцам за свабодныя выбары", 22 верасня намеснік міністра інфармацыі Аляксандр Слабадчук сустрэўся з калектывамі буйнейшых салігорскіх дзяржаўных СМІ - Салігорскага тэлеканала і газеты “Шахцёр”. Чыноўнік тлумачыў журналістам, як неабходна асвятляць падзеі рэгіёна, горада і краіны, а таксама маючы адбыцца 4-ы Усебеларускі народны сход.

26.10.2010 Магілёў: Спіс з квотамі на вылучэнне ва ўчастковыя камісіі знялі

“Спіс прадпрыемстваў, што вылучаюць прадстаўнікоў у склад участковых камісій”, вывешаны дагэтуль на дзвярах актавай залі Адміністрацыі Ленінскага раёну Магілёва, знік. Пра гэта паведаміў праваабаронца Аляксей Колчын. Ніякай тлумачальнай інфармацыі з гэтай нагоды сябры выбарчай камісіі не даюць.