Праваабарончы цэнтр «ВЯСНА»

Навіны за 11 красавіка 2011

11.04.2011 У Оршы LIFE:) блакаваў доступ да сайтаў «Беларускі партызан»і «Хартыя - 97» для ўсяго насельніцтва

Для карыстальнікаў LIFE:) у Оршы прыкладна з 10 гадзінаў 11 красавіка доступ да сайтаў сайтаў «Хартыя-97» і «Беларускі партызан» блакаваны. Для ўсіх - як дзяржаўных органаў, як і прыватных асоб.

11.04.2011 Міліцыя вярнула рэчы, канфіскаваныя пры вобыску, але пакінула сабе дарагія ноўтбукі

Цікавая акалічнасць — гомельскія міліцыянеры вярнулі старыя камп'ютары Варонежцава, а два дарагія по коштах ноўтбукі недзе прапалі, прычым адзін з іх быў новы, і ніякой інфармацыі, якая магла б зацікавіць следчых, на ім не было.

11.04.2011 «За нашу і вашу свабоду». Полацк узгадвае старыя лозунгі

Учора ўвечары на афішных тумбах і дошках аб'яў у Полацку з'явіліся ўлёткі фармату А4 з надпісамі на польскай і рускай мовах «За нашу і вашу свабоду» і фотаздымкамі Андрэя Пачобута і Андрэя Саннікава.

11.04.2011 Палітвязень Васіль Парфянкоў этапаваны ў Аршанскую калонію № 8

9 красавіка ў выпраўленчую калонію № 8, размешчаную ў горадзе Орша, быў дастаўлены палітвязень Васіль Парфянкоў. Калонія вядомая тым, што ў яе сценах адбывалі тэрміны вядомыя ў нядаўнім мінулым палітвязні Міхаіл Марыніч і Васіль Лявонаў.

11.04.2011 Актывістка БХК Святлана Рудкоўская страціла працу

Пасля апошняй выбарчай кампаніі праваабаронца з БХК Святлана Рудкоўская страціла працу ажно ў двух месцах. Да нядаўняга часу яна была старшынёй двух жыллёвых кааператываў.

11.04.2011 Незалежны прафсаюз дапамог бацькам палітвязня

Бацькі Аляксандра Малчанава з часу арышту сына жылі са зламанымі ўваходнымі дзвярыма. Тады «ахоўнікі правапарадку» ўварваліся ў прыватны дом Малчанава, на вачах хворых бацькоў скруцілі Аляксандра, пакінуўшы пасля сябе выбітыя дзверы і поўны беспарадак у доме.

11.04.2011 “Іван ківае на Пятра, а Пётр - на Івана”

Відаць, ніхто не збіраецца вяртаць маёмасць, якую масава пазабіралі ў грамадскіх актывістаў і простых грамадзянаў падчас ператрусаў у межах крымінальнай справы аб масавых беспарадках. Грамадзяне пішуць скаргі ў пракуратуру, пракуратура перанакіроўвае іх у КДБ, а КДБ – ізноў у пракуратуру. Атрымліваецца, як у вядомай прыказцы: ніхто не хоча браць на сябе адказнасць і праваахоўныя органы перакладаюць яе адзін на аднога.

11.04.2011 Тыднёвы агляд паслявыбарчай сітуацыі ў Беларусі (4-10 красавіка)

Развіццё грамадска-палітычнай сітуацыі ў краіне адбываецца на фоне няпэўнасці ў эканамічнай стабільнасці: паступовага росту курсаў валюты і ажыятажу на валютным і харчовым рынках. Крымінальная справа аб масавых беспарадках 19 снежня 2010 году працягваецца: МУС аб'явіла пра завяршэнне папярэдняга расследавання. Справы экс-кандыдатаў ў прэзідэнты М.Статкевіча і Дз.Вуса накіраваныя ў суд для разгляду. Яшчэ чатыром фігурантам справы З. Бандарэнку, П. Севярынцу, І. Халіп і С. Марцалеву абвінавачанне перакваліфікаванае на больш мяккае. Менгарсуд адмовіў у задавальненні касацыйных скаргаў асуджаных па арт.293 КК РБ (“масавыя беспарадкі”) А.Атрошчанкаву, Дз.Новіку і А.Малчанаву.

11.04.2011 У Баранавічах пададзена заяўка на чарнобыльскі пікет

Арганізатары пікету збіраюцца найперш прыцягнуць увагу грамадскасці да наступстваў будаўніцтва Астравецкай АЭС і нявырашаных у нашай краіне чарнобыльскіх праблем.

11.04.2011 На прафесійна-тэхнічную адукацыю ў магілёўскіх калоніях грошай няма

Аддзел адукацыі магілёўскага гарвыканкама гатовы накіраваць сваіх выкладчыкаў, каб тыя давалі прафесійна-тэхнічную адукацыю асуджаным і тыя падчас свайго зняволення атрымлівалі новую спецыяльнасць і па выхадзе з турмы мелі магчымасць уладкавацца на працу.

11.04.2011 У Беларусі абмежаваны доступ да сайтаў «Хартыя-97» і «Беларускі партызан»

Дзяржаўная інспекцыя па электрасувязі ўнесла сайты Charter97.org і Belaruspartisan.org у спіс абмежаванага доступу. Зараз да іх не будзе прамога доступу з дзяржаўных установаў.

11.04.2011 “Вясна” пратэстуе супраць крымінальнага пераследу Андрэя Пачобута

Заява Праваабарончага цэнтру “Вясна” Праваабарончы цэнтр “Вясна” патрабуе ад уладаў Беларусі: - неадкладна спыніць крымінальны пераслед Андрэя Пачобута; - скасаваць дыфамацыйныя артыкулы Крымінальнага кодэксу ў адпаведнасці з міжнароднымі стандартамі ў галіне свабоды прэсы і свабоды выказванняў; - зарэгістраваць непрызнаны беларускімі ўладамі незалежны Саюз палякаў Беларусі.

11.04.2011 Незалежныя журналісты ў Брэсце патрапілі ў "чорны спіс"?

Футбольны клуб "Дынама" (Брэст) увёў новыя правілы акрэдытацыі з мэтай "больш плённага супрацоўніцтва са СМІ".

11.04.2011 Падчас візіту Лукашэнкі за салігоскімі апазіцыянерамі наладзілі сачэнне

Да неверагоднага ажыятажу, які ахапіў у апошнія дні салігорскія крамы з нагоды магчымага падвышэння коштаў на цукар і алей, дадалася мітусня звязаная з прыездам, а дакладней прылётам, 9 красавіка ў сталіцу шахцёраў Аляксандра Лукашэнкі.

11.04.2011 У аб’яднання баранавіцкіх украінцаў адабралі юрыдычны адрас

ЖРЭУ адклікаў гарантыйны ліст аб прадастаўленні Баранавіцкаму грамадскаму аб’яднанню “Кабзар” памяшкання. Цяпер для абласнога ўпраўлення юстыцыі Брэсцкага аблвыканкама з’явілася прычына для адмовы ў рэгістрацыі ў Баранавічах украінскай дыяспары.