Праваабарончы цэнтр «ВЯСНА»

Навіны за 25 красавіка 2011

25.04.2011 Вечаровыя затрыманьні ў Полацку

У Полацку пасьля 20 гадзін вечара міліцыя затрымала актывіста выбарчага штабу Андрэя Саннікава Віктара Калесніка і Аляксандра Калінцава. Іх адразу ж даставілі ў гарадскі аддзел унутраных спраў.

25.04.2011 Натальля Ільлініч працягвае змаганьне за месца настаўніцы

Калегія Менскага абласнога суду адмовіла ў аднаўленьні на працы былой настаўніцы зь вёскі Талька Пухавіцкага раёну Натальлі Ільлініч. Выкладчыца гісторыі вышэйшай катэгорыі прасіла прызнаць незаконным рашэньне суду Пухавіцкага раёну, які падтрымаў адміністрацыю Талькаўскай школы ў справе яе звальненьня.

25.04.2011 Барысаўскія дэмакраты - у ліквідатараў

Сёння ў Барысаве прадстаўнікі дэмакратычнай грамадскасці правялі сход, прымеркаваны да 25-годдзя катастрофы на Чарнобыльскай АЭС. Удзельнікі прыйшлі да меркавання, што будаваць атамную станцыю ў Беларусі можна толькі ва ўмовах поўнай галоснасці, якой цяпер у краіне проста не існуе.

25.04.2011 Алесю Каліту - 10 сутак арышту

У судзе Чыгуначнага раёна Гомеля Алеся Каліту абвінавацілі ў дробным хуліганстве і асудзілі да 10 сутак арышту. Адміністратыўную справу разглядаў суддзя Яраслаў Парэмскі

25.04.2011 Тыднёвы агляд паслявыбарчай сітуацыі ў Беларусі (18-24 красавіка)

Пасля тэракту ў сталічным метро значна ўзмацніўся ціск на незалежныя мас-медыя: былі вынесены папярэджанні асобным журналістам і калектывам некаторых рэдакцыяў. Дзяржвыданні пачалі кампанію дыскрэдытацыі прадстаўнікоў незалежных СМІ. У сувязі з гэтым “Беларуская асацыяцыя журналістаў” прыняла заяву “Патрабуем спыніць пераслед нашых калег!”. Прызначаны суды над 11 абвінавачанымі за ўдзел у Плошчы-2010. 19 красавіка былі прэвентыўна затрыманыя, а на наступны дзень пакараныя адміністрацыйным арыштам актывісты грамадзянскай кампаніі “Наш дом” Валер Шчукін, Алег Баршчэўскі, Павел Левінаў і Павел Станеўскі. Вольга Карач пакараная штрафам.

25.04.2011 Праваабаронцы просяць забяспечыць публічнасць працэсаў над удзельнікамі падзей 19 снежня

Міжнародная назіральная місія звярнулася да старшыняў раённых судоў горада Мінска з просьбай забяспечыць публічнасць, галоснасць і даступнасць маючых адбыцца судовых пасяджэнняў. Місія з'яўляецца адной з рабочых структураў Камітэта міжнароднага кантролю за сітуацыяй з правамі чалавека ў Рэспубліцы Беларусь.

25.04.2011 Выканкам увасобіў ідэю дэмактывіста

Рэдкі для сённяшняй Беларусі выпадак: у Жодзіна мясцовыя ўлады падтрымалі і ўвасобілі ў жыццё ідэю старшыні грамадскага аб'яднання «Саюз Чарнобыль - Беларусь» (Кіеў) Аляксандра Валчаніна - 22 красавіка на тэрыторыі царквы Святога архангела Міхаіла быў урачыста адкрыты помнік ліквідатарам аварыі на ЧАЭС.

25.04.2011 Чарнобыльскі пікет у Воршы забаронены

Аршанскі гарвыканкам адмовіў прадстаўнікам БХД у правядзенні пікетавання, прымеркаванага да 25-й гадавіны Чарнобыльскай трагедыі, матывуючы тым, што ў заяўцы паказана не узгодненае раней месца. Утварыўся замкнёны круг: ва ўзгодненым месцы правесці пікет немагчыма, а ў іншых месцах - забаронена.

25.04.2011 Аршанскія дэмакраты дапамаглі сям'і Мікалая Разумава

Мікалай Разумаў вядомы аршанцам як арганізатар блакады жалезнай дарогі ў Оршы ў 1991 годзе. У лютым 2006 года Разумаў выступіў з абвінавачваннямі ў адрас Лукашэнкі ў знікненні апазіцыйных палітыкаў. У чэрвені таго ж года ён быў асуджаны судом Аршанскага раёна і горада Оршы да 3-х гадоў абмежавання волі.

25.04.2011 Мінская пракуратура дапытае Рыгора Кастусёва ў сувязі з тэрактам у метро

Мінская гарадская пракуратура мае намер дапытаць былога кандыдата ў прэзідэнты Рэспублікі Беларусі ад партыі БНФ Рыгора Кастусёва. Допыт адбудзецца заўтра 26 красавіка а 10-00 раніцы. Як паведамілі Кастусёву, допыт звязаны з тэрактам у мінскім метро 11 красавіка.

25.04.2011 Шульжыцкага будуць судзіць 16 траўня

Суд над Уладзімірам Шульжыцкім перанесены на 16 траўня. Такое рашэньне прынятае ў судзе Савецкага раёна Менска. Яго звінавацілі ў дробным хуліганстве.

25.04.2011 Візавы рэжым для замежнікаў павінен быць спрошчаны

Грамадскія арганізацыі Беларусі і беларусаў замежжа звярнуліся ва ўрад з заклікам спрасціць візавы рэжым для грамадзян замежных краін.

25.04.2011 Затрыманьні Шульжыцкага і Каліты: пачатак “паляваньня на ведзьмаў”?

Алеся Каліту будуць судзіць у Гомелі, Уладзіміра Шульжыцкага - у Менску.

25.04.2011 У Віцебску гатовыя выйсці на несанкцыянаваную “чарнобыльскую” акцыю

Мясцовыя актывісты падавалі заяўку на правядзенне акцыі да ўгодкаў аварыі на Чарнобыльскай АЭС ва ўскраінным Парку культуры і адпачынку чыгуначнікаў. Атрымаўшы адмову, яны вырашылі сабрацца ўвечары 26 красавіка ў цэнтры Віцебску на плошчы Свабоды.

25.04.2011 Суд не задаволіў скаргу апазіцыянера на гвалтоўнае затрыманне міліціяй

Уладзімір Няпомняшчых 25 сакавіка ў 6 раніцы быў гвалтоўна затрыманы міліцыяй на прыпынку грамадскага транспарту. Ён накіроўваўся на чыгуначны вакзал, каб ехаць у Мінск, але замест сталіцы трапіў за краты па абвінавачванні ў бруднай лаянцы. Цікава, што на ранішняй вуліцы знайшліся і сведкі «бруднай лаянкі».