Праваабарончы цэнтр «ВЯСНА»

Навіны за 28 траўня 2011

28.05.2011 На Віцебшчыне патрабуюць адказу ад дэпутатаў

Пастаўчанін Уладзімір Бароўка звярнуўся да дэпутатаў у адкрытым лісце праз незалежныя СМІ. Ён патрабуе, каб дэпутаты ўсіх узроўняў павярнуліся тварам да людзей у цяжкі эканамічны час -- каб праводзілі сустрэчы, сходы, тлумачылі насельніцтву, што адбываецца.

28.05.2011 У Баранавічах прайшоў пікет супраць адмовы ў рэгістрацыі аб’яднання ўкраінцаў

27 траўня ў Баранавічах адбыўся пікет супраць адмовы ў рэгістрацыі грамадскага аб’яднання “Кабзар”, якое аб’ядноўвае баранавіцкіх беларусаў украінскага паходжання. Ініцыятарам пікету стаў мясцовы прадпрымальнік, старшыня ініцыятыўнай групы па стварэнні арганізацыі Мікалай Чарнавус.

28.05.2011 “УзГорак” вярнуўся ў сістэму распаўсюду

З гэтага месяца недзяржаўная газэта «УзГорак» пачала выкладацца для продажу ў шапіках «Аблсаюздруку».

28.05.2011 Алег Кудрачоў: я проста хацеў уратаваць хлопца

Госьць “Начной Свабоды” – мянчук Алег Кудрачоў, якога людзі на вуліцы абаранілі ад зьбіцьця міліцыянтамі і цяпер сабралі грошы на выплату вялікага штрафу.

28.05.2011 Семінар па турмах -- за кратамі. Масавыя затрыманні праваабаронцаў у Мінску (абноўлена)

Беларусаў Алега Гулака, Аляксандра Саснова, Людмілу Ісакаву, расіянку Вольгу Саламатаву, украінцаў Алега Мартыненку, Алу Благую і Вадзіма Піваварава некалькі гадзін трымалі ў Савецкім РУУС. Зараз усе на свабодзе, але з папярэджанямі.

28.05.2011 Амап палюе на роварыстых

Чарговая акцыя ініцыятывы “Крытычная маса” была жорстка разагнаная ў Менску вечарам 27 траўня. Прыкладна каля сямідзесяці ўдзельнікаў на роварах арганізавалі веламарш у цэнтры горада. Іх спынілі супрацоўнікі ДАІ каля пад’езду да плошчы Перамогі. На вуліцы Кісялёва амапаўцам удалося затрымаць 8 чалавек і суправадзіць ў спецыяльна падагнаны аўтобус. Ровары былі пакінутыяя проста на тратуары.