Праваабарончы цэнтр «ВЯСНА»

Навіны за 20 траўня 2011

20.05.2011 Суды за Плошчу: Статкевіч, Ус, Класкоўскі, Пазняк, Квяткевіч, Грыбкоў, Буланаў. Прысуд адкладаецца

Меркавался, што сёння а 16-й гадзіне ў Ленінскім судзе Мінска будуць вынесены прысуды двум былым кандыдатам у Прэзідэнты Рэспублікі Беларусь -- Міколе Статкевічу і Дзмітрыю Усу. Разам з імі чакалі вызначэння свайго лёсу яшчэ пяцёра ўдзельнікаў акцыі пратэсту на Плошчы -- Андрэй Пазняк, Дзмітрый Буланаў, Арцём Грыбкоў, Аляксандр Класкоўскі, Аляксандр Квяткевіч. Абвінаваўца запрасіў цяжкія тэрміны. Прысуды мусіла агучыць суддзя Людміла Грачова.

20.05.2011 Суды штрафамі папаўняюць бюджэт?

Пенсіянерка вёскі Кавердзякі Брэсцкага раёна Лідзія Шасцюк толькі пад час атрымання пенсіі даведалася, што пакарана судом штрафам у памеры 140 тысяч рублёў за абразу сваёй суседкі. Жанчына звярнулася ў суд, дзе даведалася, што паседжанне адбылося яшчэ ў снежні. Але Шасцюк не атрымліва ні позвы ў суд, ні пастановы суда.

20.05.2011 Міжпарламенцкі саюз нагадаў "палатачнікам" пра надзорныя магчымасці па справе Ганчара

Усе мінулыя пасля выкрадання Віктара Ганчара гады Міжпарламенцкі саюз вядзе несупынную перапіску з беларускім парламентам, пытаючыся: а што вы зрабілі для таго, каб выявіць праўду пра лёс вашага ж калегі?

20.05.2011 Прысуд Саньнікаву абскардзяць 23 траўня

"Мы пададзім скаргу ў бліжэйшы панядзелак. Будзе таксама накіраваная скарга ад самога Андрэя Алегавіча", — паведаміла Інтэрфаксу адвакатка Марына Кавалеўская.

20.05.2011 Не аплаціў паслуг дзяржустаноў – не можаш пікетаваць супраць збяднення

Бярозаўскія грамадскія актывісткі Галіна Кавалевіч і Таццяна Аліхвер атрымалі адмову на заяву аб правядзенні пікета, скіраванага супраць збяднення. Адкуль у заяўніц пенсійнага ўзросту сродкі, каб заплаціць службам, якія нібыта будуць абслугоўваць пікет?

20.05.2011 Лілія Ананіч апелюе да закона

17 чытачоў “Народнай Волі” і “Нашай нівы” з Бярозы атрымалі адказ з Міністэрства інфармацыі за подпісам першага намесніка міністра Ліліі Ананіч на свой зварот адклікаць іск супраць незалежных газет. Лілія Ананіч паведаміла, што Міністэрства дзейнічае ў адпаведнасці з законам “Аб сродках масавай інфармацыі”.

20.05.2011 У суд над анархістамі не прыходзяць сведкі

У судзе Заводскага раёна Мінску працягваецца працэс над актывістамі анархісцкага руху.

20.05.2011 Някляеў, Рымашэўскі, Дзмітрыеў, Фядута, Палажанка, Вазняк: прысуды

Суддзя Фрунзенскага раёна Менску Жана Жукоўская абвясціла прысуды кандыдатам у прэзыдэнты Ўладзімеру Някляеву і Віталю Рымашэўскаму, а таксама сябрам штабу Някляева Андрэю Дзьмітрыеву, Аляксандру Фядуце і Сяргею Вазьняку і даверанай асобы Рымашэўскага Насты Палажанкі. Някляеву - 2 гады пазбаўлення волі з адтэрміноўкай на 2 гады, Вазняку, Фядуту, Рымашэўскаму, Дзмітрыеву - 2, Палажанцы - 1. Усім - умоўна, апроч Някляева.

20.05.2011 Міколу Дземідзенку кепска, але яго не пускаюць у шпіталь

У моладзевага актывіста, які трымае галадоўку за кратамі, вельмі моцна ўпаў узровень цукра ў крыві і падняўся ціск. Лекары настойваюць на яго терміновай шпіталізацыі, адміністрацыя Акрэсціна катэгарычна супраць.

20.05.2011 У Глыбокім патрабуюць вызвалення палітвязняў

Цікава, што мясцовыя апазіцыянеры былі здзіўленыя масавым з’яўленнем антылукашэнкаўскіх улётак у горадзе. Верагодна, іх распаўсюдзілі або прыезжыя, або нехта з тутэйшых жыхароў, хто не ўваходзіць ні ў якія суполкі, але мае выразную палітычную пазіцыю.

20.05.2011 Беларускія анархісты: працяг судовага працэсу

19 траўня адбыўся другі дзень судовага паседжаньню па справе Мікалая Дзядка, Аляксандра Францкевіча, Ігара Аліневіча, Максіма Веткіна й Яўгена Сілівончыка.

20.05.2011 Пасля скаргі журналіста супрацоўнікаў ізалятара часовага ўтрымання дэпрэміравалі

Пракуратура Ленінскага раёна Магілёва прызнала парушэнні, якія былі дапушчаны падчас утрымання ў Магілёўскім ізалятары часовага ўтрымання ў дачыненні да журналіста БелаПАН Уладзіміра Лапцэвіча.

20.05.2011 Міліцыя правяла экскурсію для штрафнікоў і журналістаў

Супрацоўнікі віцебскай міліцыі арганізавалі экскурсію ў мясцовы ізалятар часовага ўтрымання для асобаў, якія ўпершыню былі пакараныя за адміністрацыйныя правапарушэньні, але толькі штрафамі. Паводле ідэі ініцыятараў, правапарушальнікі мусяць паглядзець на ўмовы ўтрыманьня ў ІЧУ і зрабіць усё, каб больш ніколі сюды не трапіць.

20.05.2011 Светлагорскія прадпрымальнікі збіраюцца спыняць працу

На 21 траўня запланаваны масавы сход мясцовых прадпрымальнікаў на цэнтральным рынку Светлагорска. Бізнесоўцы будуць раіцца: як жыць і працаваць далей, што рабіць, каб да іх просьбаў прыслухалася ўлада.

20.05.2011 У Маладэчне правяраюць лаяльнасць да прэзідэнта

У маладэчанскіх школах на гэтым тыдні абласны аддзел адукацыі ажыццяўляе франтальную праверку. Як распавядаюць настаўнікі, асноўны накірунак праверкі – ідэалагічны. Ад школьнікаў патрабуюць дакладнага ведання дзяржаўнай сімволікі і таго, чым можа ганарыцца наша краіна, таксама высвятляюць адносіны да прэзідэнта.