Праваабарончы цэнтр «ВЯСНА»

Навіны за 18 траўня 2011

18.05.2011 Справа Андрэя Пачобута перададзена ў суд

У бліжэйшы час высветліцца, у судзе якога раёну гораду – Кастрычніцкага ці Ленінскага будзе праходзіць працэс. Публіцысту Андрэю Пачобуту за ягоныя артыкулы ў інтэрнэце і польскай “Gazece Wzborczej” пагражае максімальна 4 гады турэмнага зняволення.

18.05.2011 Павел Сапелка: “Суд аказаўся прыдаткам дзяржавы”

Павел Сапелка, былы адвакат кандыдата ў прэзідэнты Андрэя Саннікава, пазбаўлены ліцэнзіі падчас следства, сочыць за развіццём справы свайго падабароннага, ходам судовага працэсу, вынясеннем прысуду. Зараз ён таксама спрабуе адаптавацца да новай рэчаіснасці, у якой ён апынуўся пасля пазбаўлення права займацца адвакацкай дзейнасцю.

18.05.2011 Суд пакінуў Дзмітрыя Салаўёва на прафілактычным уліку ў КДБ

Сёння, 18 траўня, старшыня Магілёўскай абласной арганізацыі БНФ “Адраджэньне” Дзмітрый Салаўёў у Магілёўскім абласным судзе спрабаваў дамагчыся адмены рашэння Ленінскага раённага суда Магілёва з нагоды дзеянняў Магілёўскай абласной управы КДБ.

18.05.2011 Суды за Плошчу: Статкевіч, Ус, Класкоўскі, Пазняк, Буланаў, Квяткевіч, Грыбкоў (дзень сёмы). Прысуды - 20 траўня

Пракурор Чубкавец патрабуе для МІколы Статкевіча 8 гадоў зняволення, для Аляксандра Класкоўскага - 8,5, для Дзмітрыя Уса - 7, для Арцёма Грыбкова, Дзмітрыя Буланава, Аляксандра Квяткевіча і Андрэя Пазняка - па 4 гады. Дзмітрыя Уса могуць узяць пад варту. Але суд яшчэ будзе 2 дні думаць.

18.05.2011 «Белая Русь» у Маладэчне ўжо гатова да парламенцкіх выбараў

Пакуль палітычныя аналітыкі мяркуюць аб тым, ці ператворыцца нарэшце “Белая Русь” у палітычную партыю, яе актывісты паведамлюць, што арганізацыя для гэтага гатова і фактычна ўжо з’яўляецца грамадска-палітычным рухам.

18.05.2011 У Магілёве адзначылі Міжнародны дзень супраць гамафобіі (фота)

17 траўня ў Магілёве прайшла акцыя супраць гамафобіі. Ініцыятарамі выступілі актывісты моладзевай арганізацыі “Маладыя сацыял-дэмакраты – Маладая Грамада”, а таксама прадстаўнікі ЛГБТ-супольнасці Магілёва. Да акцыі далучылася і моладзь, неабыякавая да праблемы гамафобіі адносна прадстаўнікоў сэксуальных меншасцяў.

18.05.2011 Марцін Угла: эканамічныя санкцыі як адзін з інструментаў

Лідар Шведскай ініцыятывы за дэмакратыю і правы чалавека Östgruppen Марцін Угла лічыць увядзенне эканамічных санкцый супраць Беларусі адным з інструментаў у патрабаванні вызвалення палітвязняў.

18.05.2011 Анархіст Мікола Дзядок заявіў у судзе пра ціск з боку следства

Актывісты анархісцкага руху Максім Веткін і Яўген Селівончык часткова прызналі сваю віну. Ігар Аліневіч, Мікалай Дзядок і Аляксандр Францкевіч віну не прызнаюць.

18.05.2011 Суды за Плошчу: Някляеў, Рымашэўскі, Дзмітрыеў, Фядута, Палажанка, Вазняк (дзень дзесяты). Прысуды - 20 траўня

18 траўня Фрунзенскі суд Менску працягнуў працэс над экс-кандыдатамі ў прэзідэнты Уладзімірам Някляевым і Віталём Рымашэўскім, а таксама Аляксандрам Фядутам, Андрэем Дзмітрыевым, Сяргеем Вазняком, Настай Палажанкай. Выступілі адвакаты Насты Палажанкі і Ўладзімера Някляева. Падсудныя прамовілі апошнія словы. 20 траўня а 16-й чакаюцца прысуды.

18.05.2011 Станіслава Шушкевіча дапыталі ў пракуратуры

Былога старшыню вярхоўнага савета Беларусі дапыталі ў пракуратуры па справе яго выказванняў для аднаго з расійскіх тэлеканалаў.

18.05.2011 Аналітычны агляд судовага працэсу па крымінальнай справе Паўла Севярынца, Сяргея Марцалева і Ірыны Халіп

Праваабарончы цэнтр "Вясна" патрабуе зняцця ўсіх накладзеных судом абмежаванняў на П. Севярынца, С. Марцалева, І. Халіп і зняцця судзімасці, паколькі лічыць іх асуджэнне па ч. 1 арт. 342 Крымінальнага кодэкса Рэспублікі Беларусь незаконным і палітычна матываваным

18.05.2011 Ірыне Халіп не далі сустрэцца з Андрэем Саннікавым

Ірыне Халіп адмовілі ў спатканні з мужам Андрэем Саннікавым. Пра гэта паведаміў БелаПАН бацька Ірыны кінадраматург Уладзімір Халіп.

18.05.2011 У Стакгольме заўтра адбудзецца мітынг за вызваленне беларускіх палітвязняў

19 траўня Шведская ініцыятыва за дэмакратыю і правы чалавека Östgruppen арганізуе ў цэнтральным Стакгольме мітынг за вызваленне палітвязняў у Беларусі, паведаміў кіраўнік арганізцыі Марцін Угла.

18.05.2011 У Пінску 47 “ухілістаў” ад дактыласкапіі

Усяго адбіткі пальцаў узялі ў 29669 жыхароў сталіцы Палесся, што складае амаль 96% ад ваеннаабавязаных асобаў. 1275 пінчукоў знаходзяцца па-за межамі гораду, таму іхнія адбіткі ўзяць пакуль немагчыма, яшчэ 47 чалавек з розных падставаў ухіляюцца ад дактыласкапічнай рэгістрацыі.

18.05.2011 Крымінальная справа аб масавых беспарадках: 7 абвінавачаных, 13 падазраваных і 31 асуджаны

Дзесяці фігурантам справы было перапрад’яўлена абвінавачанне – па ч.1 арт.342 КК РБ (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Усе былі асуджаныя па дадзеным артыкуле і атрымалі розныя пакараньня: 1 - абмежаваньне волі (П.Севярынец), 2 - пазбаўленьне волі з адтэрміноўкай, 6 -пазбаўленьне волі ўмоўна, 1 - пазбаўленьне волі на 2 гады (З.Бандарэнка). Такім чынам, па інфармацыі ПЦ “Вясна”, па справе аб масавых беспарадках у статусе абвінавачаных знаходзяцца 7 чалавек, 5 зь іх – пад падпіскай аб нявыездзе, а 2 знаходзяцца па-за межамі краіны. У статусе падазраваных – 13 чалавек, з іх 3 знаходзяцца па-за межамі краіны. 28 фігурант крымінальнай справы асуджаны да пазбаўлення волі, 2 – да штрафаў і 1 – да абмежавання волі без накіравання ва ўстанову адкрытага тыпу.