Праваабарончы цэнтр «ВЯСНА»

Навіны за 16 траўня 2011

16.05.2011 Станіслава Шушкевіча выклікаюць у КДБ

Станіслаў Шушкевіч у аўторак павінен прыйсці ў КДБ. Палітык пойдзе туды з адвакатам.

16.05.2011 Дземідзенку – 15 сутак

Намесьніка старшыні Маладога фронту Міколу Дземідзенку ў сцдзе Першамайскага раёна Менска асудзілі на 15 сутак за спробу вывесіць нацянальны сцяг. Нагадаем, што Дземідзенка быў затрыманы 14 траўня каля будынку Маскоўскага аўтавакзала. Яго адвезлі на Акрэсьціна, дзе ён адбыў выходныя дні. Перад судом ён паспеў перадаць, што абвяшчае галадоўку.

16.05.2011 Прысуды Ірыне Халіп, Паўлу Севярынцу, Сяргею Марцалеву

Ірына Халіп асуджана на 2 гады пазбаўлення волі з адтэрміноўкай на 2 гады. Павел Севярынец - на 3 гады "хіміі". Сяргей Марцалеў - на 2 гады ўмоўна. Усе адпушчаны і вышлі з залі суда. У тым ліку Севярынец, які разам з Халіп цяпер будзе пад падпіскай аб нявыездзе. За Плошчу асуджана ўжо 30 чалавек.

16.05.2011 Магілёўскі абласны суд не ўбачыў дыскрымінацыі

Калі Аляксей Паўлоўскі знаёміўся з вакансіямі, якія прапаноўваў трэст, і прыходзіў каб працаўладкавацца туды – яму казалі, што на гэтыя месцы ўжо знойдзены спецыялісты. Так паўтаралася некалькі разоў. Паўлоўскі расцаніў гэта як дыскрымінацыю, звязаную з яго грамадска-прафсаюзнай дзейнасцю, і звярнуўся ў суд.

16.05.2011 Журналіст Аляксей Салей зрабіў заяву ў сувязі з узбуджанай крымінальнай справай

Аляксей Салей: "Пасля таго, як яны даведаліся, што я ездзіў з Андрэем Пачобутам – іх больш зацікавіла гэтая асоба. Мне было прапанавана даць паказанні супраць яго, паколькі я быў фактычна заўсёды побач з Пачобутам. Калі ж я адмовіўся – сказалі, што будзе горш. Праз некаторы час у мяне дома адбыўся ператрус".

16.05.2011 Суды за Плошчу: Статкевіч, Класкоўскі, Ус, Пазняк, Квяткевіч, Грыбкоў, Буланаў (дзень пяты)

У Ленінскім судзе працягваецца працэс двух экс-кандыдатаў у прэзідэнты і яшчэ чатырох удзельнікаў Плошчы, якія абвінавачваюцца па артыкуле "масавыя беспарадкі". Да абедзеннага перыпынку паспелі дапытаць некалькіх сведак альбо агучыць паказанні адсутных. Прадоўжыўся прагляд відэаматэрыялаў справы, распачаты 14 траўня. Суддзя Людміла Грачова, пракурор - Чумукавец.

16.05.2011 Затрымалі яшчэ аднаго падазраванага ў падпале Дома правасуддзя

Гэта актывіст кампаніі «Без’ядзерная Беларусь» Арсень Гурскі.

16.05.2011 Яшчэ 73 жыхары Бабруйску падпісаліся ў падтрымку “Народнай волі” і “Нашай Нівы”

Сёння, 16 траўня, бабруйскія сябры АГП даслалі чарговы ліст міністру інфармацыі. У ім – яшчэ 73 подпісы ў падтрымку газет “Народная Воля” і “Наша Ніва”. Віктар Бузінаеў: "Народ займае актыўную пазіцыю, пачынае разумець, што лепш збіраць подпісы за свабоду СМІ, чым сядзець на кухні і шаптацца".

16.05.2011 У літоўскім Сейме -- выстава ў гонар 15-годдзя "Вясны"

13 траўня ў Сейме Літоўскай Рэспублікі адкрылася выстава на тэму падзеяў 19 снежня, прысвечаная 15-м угодкам стварэння праваабарончага цэнтра "Вясна". На адкрыцці выставы прысутнічалі беларускія праваабаронцы і літоўскія дэпутаты.

16.05.2011 Актывіста Партыі БНФ Алеся Каліту выклікалі на допыт

Сёння раніцай актывіста і сябра Партыі БНФ Алеся Каліту выклікалі на допыт у пракуратуру г. Магілёва. Як паведамілі «Народнай Волі» ў прэс-службе Партыі БНФ, допыт праводзіў следчы Кулак. Актывіста распытвалі па справе тэракта ў мінскім метро.

16.05.2011 Магілёўскія актывісты “Гавары праўду” нагадалі пра палітычныя суды

У суботу і нядзелю (14-15 траўня) актывісты кампаніі “Гавары праўду” нагадалі жыхарам Магілёва пра палітычныя працэсы над лідэрамі кампаніі – Уладзімірам Някляевам, Аляксандрам Фядутам, Андрэем Дзмітрыевым і Сяргеем Вазняком.

16.05.2011 Белыя і чырвоныя стужкі – да гадавіны рэферэндуму па змене дзяржаўнай сімволікі

У ноч з суботы на нядзелю ў цэнтры Оршы з'явіліся белыя і чырвоныя стужкі, прывязаныя да высаджаных тут кустоў. Таксама падобныя стужкі можна было ўбачыць прымацаванымі на аўтобусных прыпынках і рэкламных шчытах.

16.05.2011 Суд над Шульжыцкім – у 14-00

У судзе Савецкага раёна Менска ў 14-00 пачнецца разгляд адміністратыўнай справы Уладзіміра Шульжыцкага. Яго вінавацяць у дробным хуліганстве (арт. 17.1 КаАП РБ).

16.05.2011 Тыднёвы агляд паслявыбарчай сітуацыі ў Беларусі (9-15 траўня)

На мінулым тыдні ў Менску судзілі рэкордную колькасць удзельнікаў Плошчы – 27 чалавек. Вынесены першы прысуд па крымінальнай справе па абвінавачванню ў арганізацыі масавых беспарадкаў – экс-кандыдат у прэзідэнты Андрэй Саннікаў пакараны пазбаўленнем волі ў калоніі ўзмоцненага рэжыму тэрмінам на 5 гадоў. Па-ранейшаму абмяжоўваецца свабода слова і асацыяцыяў, аказваецца адміністрацыйны ціск.

16.05.2011 Мікола Дземідзенка абвясціў галадоўку

У судзе Партызанскага раёна Менска судзяць намесьніка старшыні Маладога фронту Міколу Дземідзенку. Пакуль невядома, у чым яго вінавацяць. Перад тым, як яго завялі ў судовую залю, ён паспеў перадаць, што абвяшчае галадоўку.