Праваабарончы цэнтр «ВЯСНА»

Навіны за 8 лютага 2014

08.02.2014 У Баранавічах агітаваць можна ў старым парку, пляцоўка якога так і засталася неўладкаванай (фота)

Як і ў папярэднюю выбарчую кампанію, такі спіс месцаў вельмі кароценькі і не надта разнастайны. Прэтэндэнты на дэпутацкі мандат маюць права праводзіць агітацыю толькі ў адным месцы – у старым парку горада (пляцоўка з боку вуліцы Царука).

08.02.2014 Баранавічы: у недапрацоўках гарвыканкама вінавата пошта?

Кіраўнік Баранавіцкай суполкі прафсаюза радыёэлектроннай прамысловасці Рыгор Грык толькі з адказу Баранавіцкай міжраённай пракуратуры даведаўся, што, аказваецца, атрымліваў адказ з гарвыканкама на сваю заяву ў студзені, у якой прасіў дазволу на пікет, але не дачакаўся.

08.02.2014 Круглае: ініцыятыўныя групы праўладных вылучэнцаў падманваюць выбаршчыкаў

“Я асабіста сутыкнулася з чатырмя выпадкамі, калі выбаршчыкі казалі, што зборшчыкі подпісаў за прэтэндэнта ў кандыдаты аблсавета Патрончыка і за кандыдата ў дэпутаты райсавета Белянкіна гаварылі ім, каб яны больш не падпісваліся ні за якіх іншых людзей, а таксама тое, што яны павінны галасаваць за тых кандыдатаў, за якіх падпісаліся, і ні за якіх іншых".

08.02.2014 Бабруйск: На выбары па разнарадцы

Як стала вядома бабруйскім праваабаронцам, нягледзячы на "актыўны працэс вылучэння", мясцовыя чыноўнікі ўсё ж занепакоеныя недахопам сярод вылучэнцаў прадстаўнікоў "сярэдняга звяна". У гарадскія навучальныя ўстановы, дзяржаўныя арганізацыі і прадпрыемствы нават прыйшла разнарадка "зверху".

08.02.2014 Анатоль Лябедзька прадставіў гродзенцам сваю кніжку пра засценкі КДБ (фота)

7 лютага ў Гродна Анатоль Лябедзька прэзентаваў сваю біяграфічную кніжку “108 дзён і начэй у засценках КДБ”. Лідэр АГП прадставіў свой дзённік палітычнага закладніка, які апісвае па храналогіі кожны дзень зняволення, і адказаў на пытанні прысутных.

08.02.2014 Мазыр: УВК сфарміравана па прынцыпу «адно прадпрыемства – адна камісія»

УВК №18 узначаліць яе дырэктар ААТ «Беларускабель» Дзмітрый Ракаўчук, намеснікам будзе Іван Навіцкі (намеснік дырэктара ААТ па ідэалагічнай рабоце), сакратар – Тамара Капельян (намесніца начальніка аддзела кадраў дадзенага прадпрыемства).

08.02.2014 У Гомельскай вобласці суды прызнаюць правамоцным неўключэнне ў камісіі сябраў «Справядлівага свету»

«Адмову партыйцам яны патлумачылі тым, што ім зручней працаваць са знаёмымі і праверанымі людзьмі, якія маюць вопыт. Я адзначыў, што сярод нашых кандыдатур – былы дырэктар школы, і былы старшыня раённага Савету – няўжо яны не маюць досведу працы ў камісіях?» - пракаментаваў Уладзімір Сякерка.

08.02.2014 За сяброўства ў незалежным прафсаюзе Аляксандр Сахарук пазбаўлены даплат

Машыніст крана 5 разраду Аляксандр Сахарук з Брэста, які працуе ва Упраўленні механізацыі № 127 будаўнічага трэста № 8, змагаецца ў судах за далучэнне яго да калектыўнай дамовы. Справа ў тым, што дамова тычыцца толькі сябраў афіцыйнага прафсаюза.