Праваабарончы цэнтр «ВЯСНА»

Навіны за 4 лютага 2014

04.02.2014 Гродна: падчас фармавання ўчастковых камісій абмяркоўваўся толькі назіральнік

У Ленінскім раёне старшыня паседжання адмыслова вылучыў час, каб растлумачыць усім прысутным, што заканадаўства не абавязвае пускаць на паседжанне незалежнага назіральніка, праваабаронцу Віктара Сазонава. Пасля адміністрацыя імкліва зацвердзіла склад усіх 66 участковых камісій.

04.02.2014 Бабруйск: Затрыманы блогер Алег Жалноў

Алег Жалноў, вядомы бабруйскі блогер, быў затрыманы ў УУС з-за "спробы дыстанцыйнага падрыву" гэтага будынка. Яго тэлефон дасюль недасягальны, але, як стала вядома ад знаёмых блогера, прычынай падазрэнняў стала бірулька з гукавым сігналам, якая зазвінела ў кішэні Жалнова.

04.02.2014 Украінскі пісьменнік з Майдана – Алесю Бяляцкаму: “Вашая і нашая барацьба недарэмная”

Алесь Бяляцкі ў засценках бабруйскай калоніі атрымаў пасланне ад вядомага ўкраінскага пісьменніка і перакладчыка Аляксандра Ірванца, які ў драматычныя для свайго народу часы практычна штодня знаходзіцца на кіеўскім Майдане.

04.02.2014 Віталя Рымашэўскага выклікаюць у міліцыю

Сустаршыня аргкамітэту па стварэнні партыі "Беларуская Хрысціянская Дэмакратыя" Віталь Рымашэўскі выкліканы ў РАУС Савецкага раёна Менска на пятніцу, 7 лютага.

04.02.2014 Баранавічы: праваабаронца звярнуўся ў Канстытуцыйны суд з нагоды інгаравання рашэнняў Камітэта ААН

Найбольшае шкадаванне выклікае пазіцыя МЗС, якую, згодна атрыманых ім адказаў, можна сфармуляваць наступным чынам – Факультатыўны пратакол да Міжнароднага пакта аб грамадзянскіх і палітычных правах не накладае на дзяржаву ніякіх міжнародна-прававых абавязацельстваў.

04.02.2014 Суд наконт аршанскага пікета па праблеме маста цягнецца другі месяц

"Незразумела, навошта ў рашэнні гарвыканкаму пералічаны гэтыя службы, з якімі арганізатары мусяць заключаць дамовы, калі самі службы не ў стане гэта зрабіць? Выглядае, што рашэнне пра парадак арганізацыі масавых акцый проста недасканалае, але ж на яго спасылаюцца, калі нам адмаўляюць!"

04.02.2014 Акцыя FIDH перад Алімпіядай у Сочы: "Правы чалавека - не гульня"

Напярэдадні Алімпійскіх гульняў у Сочы Міжнародная федэрацыя за правы чалавека (FIDH) праводзіць акцыі пратэсту супраць парушэнняў правоў чалавека ў Расіі. За тыдзень да пачатку Алімпіяды такая акцыя адбылася ў Парыжы. Таксама праваабаронцы пратэставалі ў Бруселі, напярэдадні саміту Расія - Еўрасаюз, удзел у якім прымаў прэзідэнт РФ Уладзімір Пуцін.

04.02.2014 Ціск на патэнцыйных кандыдатаў у Глыбокім

"Вядомыя два выпадкі, калі на Глыбоччыне пад ціскам адмовіліся ісці ў кандыдаты прынамсі два чалавекі. Іх выклікалі ў аддзел ідэалогіі, пагражалі праблемамі на працы і наўпрост казалі: "Калі вы проста памыліліся, пагадзіўшыся ісці на выбары, мы вам даруем. А калі гэта свядомы выбар, тады рыхтуйцеся да непрыемнасцяў".

04.02.2014 Пачаліся перамовы пра спрашчэнне візавага рэжыму з ЕЗ

Кошт шэнгенскіх візаў для беларусаў можа быць зменшаны, тэрмін іх выдачы скарочаны да дзесяці дзён, а працэдура атрымання спрошчаная.

04.02.2014 Праваабарончая праграма “Людзьмі звацца!” на Беларускім Радыё Рацыя

"Падзея тыдня": “Праваабаронцы за свабодны выбары” дабіваюцца ад ЦВК змянення парадку доступу назіральнікаў на выбарчыя ўчасткі. “Асоба. Дзяржава. Грамадства”: актывіст Ілля Дабратвор распавядае пра акцыі салідарнасці з Еўрамайданам.

04.02.2014 Салігорск: выканкамаўская газета ігнаруе закон "Аб зваротах грамадзян"

Намеснік старшыні Мінскай абласной арганізацыі Аб’яднанай грамадзянскай партыі Віктар Малочка патрабуе ад рэдакцыі салігорскай выканкамаўскай газеты “Шахцёр” выканання закона “Аб зваротах грамадзян”.

04.02.2014 Баранавіцкі райвыканкам засакрэціў інфармацыю пра пасяджэнне па стварэнні УВК

Баранавіцкі райвыканкам засакрэціў інфармацыю пра выбарчы працэс. Да такой высновы прыйшоў праваабаронца Сяргей Гоўша, які імкнуўся 3 лютага атрымаць хоць-якую небудзь інфармацыю пра запланаванае пасяджэнне райвыканкама па стварэнні ўчастковых выбарчых камісій (УВК).