Праваабарончы цэнтр «ВЯСНА»

Навіны за 21 лютага 2014

21.02.2014 Дырэктарка магілёўскай школы параіла актывісту на Майдане адстойваць правы

Аляксей Паўлоўскі хацеў зрабіць запіс у кнізе скаргаў і прапаноў сярэдняй школы №33 Магілёва. "Сёння я прыйшоў у школу, каб унесці прапанову, каб металічныя лаўкі, якія знаходзяцца на тэрыторыі стадыёна школы, былі заменены на драўляныя".

21.02.2014 Генадзь Лойка будзе судзіцца з “Белінвестбанкам” за права абслугоўвацца па-беларуску

Два гады таму вядомы скульптар напісаў заяву ў банк з просьбай заключыць з ім дамову на беларускай мове. Кіраўніцтва банка адмовіла кліенту, спаслаўшыся на немэтазгоднасць дапрацоўкі праграмнага забеспячэння на нацыянальную мову.

21.02.2014 БСДП заяўляе пра рэгістрацыю 52 кандыдатаў у дэпутаты

Найбольшая колькасць сацыял-дэмакратычных кандыдатаў зарэгістравана ў Брэсцкай вобласці - 35 чалавек. У Віцебскай вобласці - 8, Мінску - 5, Мінскай вобласці - 2, Магілёўскай і Гомельскай вобласці - па аднаму кандыдату ў дэпутаты. У Гродзенскай вобласці не зарэгістравалі ніводнага кандыдата ў дэпутаты ад партыі.

21.02.2014 Бабруйск: Ёсць кандыдаты ад дэмакратычных сіл

Некалькі чалавек з ліку бабруйскіх дэмакратаў патрапілі ў спіс кандыдатаў у дэпутаты ў гарадскі Савет, але большасць жадаючых камісіі адсеялі. Напрыклад, у кампаніі "Гавары праўду" з 9 прэтэндэнтаў статус кандыдата атрымаў толькі 1 чалавек.

21.02.2014 Баранавічы: з 44 прэтэндэнтаў зарэгістраваны 43 кандыдаты

Не быў зарэгістраваны адзін прэтэндэнт – індывідуальны прадпрымальнік Валеры Дрэка. Як паведаміла старшыня выбарчай камісіі Тамара Шукала, у прэтэндэнта на дэпутацкі мандат пры праверцы подпісаў высветлілася, што даты ў падпісных лістах пастаўлены не ўласнаю рукою выбаршчыкаў.

21.02.2014 Гарадзеншчына: рэгістрацыя без асаблівых нечаканасцяў, але з “прасевам”

Як адзначаюць незалежныя назіральнікі Раман Юргель і Віктар Сазонаў, рэгістрацыя кандыдатаў у дэпутаты па Гродне прайшла без асаблівых нечаканасцяў. На пераважнай большасці акругаў па выбарах у гарадскі савет галасаванне будзе безальтэрнатыўным.

21.02.2014 Валянцін Стэфановіч : “Мы вернемся да дыскусіі адносна абмежавання доступу да сайта spring96.org у судзе”

Валянцін Стэфановіч накіраваў прыватную скаргу ў Калегію па грамадзянскіх справах Мінскага гарадскога суда на вызначэнне суда Цэнтральнага раёна аб спыненні вытворчасці па справе ўнясення у “чорныя спісы” сайта spring96.org.

21.02.2014 Права на адукацыю: ці могуць інваліды рэалізаваць яго ў поўнай меры?

Офіс па правах людзей з інваліднасцю даследаваў беларускае заканадаўства і практыку ў сферы адукацыі.

21.02.2014 У Бярозе зарэгістраваны 46 кандыдатаў у раённы савет і 3 – у абласны

Не быў зарэгістраваны адзін прэтэндэнт -- прадстаўнік Аб’яднанай грамадзянскай партыі Яўген Кабанаў. Ён не адзначыў у дэкларацыі аўтамабіль “Жыгулі”, які лічыцца за ім, хаця прададзены па даверанасці 3 гады таму. Таксама ён не прадаставіў дакумент па адукацыі і не падаў копію працоўнай кніжкі.

21.02.2014 За 40 дэпутацкіх месцаў у Брэсцкім гарсавеце будзе змагацца 121 кандыдат

З прычыны нібыта недакладнасці звестак, указаных у дэкларацыях, гарадскі тэрытарыяльны выбаркам адмовіў у рэгістрацыі тром прэтэндэнтам ад дэмакратычнай супольнасці. Найбольшая колькасць кандыдатаў-партыйцаў зарэгістравана ад Беларускай сацыял-дэмакратычнай партыі ( Грамада) - 8, Беларускай партыі левых “Справядлівы свет” - 7, Партыі БНФ - 6.

21.02.2014 У Варшаве ўручылі праваабарончую прэмію імя Віктара Івашкевіча

Лаўрэатамі сталі палітвязень Уладзімір Яроменак, журналіст Андрэй Пачобут, эколаг Таццяна Новікава і Свабодны тэатр.

21.02.2014 «Правы чалавека «на пальцах» прыедуць у Гродна 26 лютага!

Правы Чалавека — што гэта і для каго? Чым насамрэч займаюцца праваабаронцы? Хочаце ведаць, як абараніць сябе ад несправядлівасці і чаму праваабаронцы — гэта не апазіцыя? Падавайце заяўкі! Дэдлайн 25.02 уключна.