Праваабарончы цэнтр «ВЯСНА»

Навіны за 24 сакавіка 2014

24.03.2014 Бабруйск: Назіральнікі падаюць скаргі

Бабруйскія выбарчыя ўчасткі, на якіх балатаваліся прадстаўнікі дэмсілаў, у асноўны дзень галасавання наведвалі пабочныя асобы - чыноўнікі вышэйшага звяна: старшыня гарвыканкама Дзмітрый Бонахаў, яго намеснік Аляксандр Маркачоў ды іншыя. Незалежныя назіральнікі сцвярджаюць, што яны адкрыта аддавалі распараджэнні старшыням камісій.

24.03.2014 Напярэдадні Дня Волі нацбол Паліенка ізноў затрыманы

Увечары 24 сакавіка актывіст нацыянал-бальшавіцкага руху Дзмітрый Паліенка паведаміў ПЦ “Вясна” пра сваё затрыманне. Ён знаходзіцца ў РАУС Заводскага раёна.

24.03.2014 Палітвязень Васіль Парфянкоў: з 37 дзён у калёніі — 23 у ШЫЗА

Палітвязень Васіль Парфянкоў з 37 дзён, адбытых у калёніі ў Горках, 23 дні праседзеў у ШЫЗА, як называюць у калёніях карцэр. Пра гэта ён паведаміў у лісьце, які атрымала грамадзкая актывістка, рэжысэрка Вольга Мікалайчык.

24.03.2014 “Хронікі палітычнага тэрору” – сведчанні сваякоў расстраляных

Злачынствы камунізму не былі асуджаныя ў Беларусі, і сучасная ўлада шмат у чым адчувае сябе спадкаемніцай той улады, якая здзяйсняла масавыя расстрэлы нязгодных.

24.03.2014 Асудзілі Дзяніса Садоўскага

У Кастрычніцкі суд Менска прывезлі адказнага сакратара аргкамітэта па стварэнні партыі «Беларуская хрысціянская дэмакратыя» Дзяніса Садоўскага. Тут будзе разглядвцца адміністратыўная справа актывіста, якога вінавацяць артыкулу 17.1 КаАП РБ (дробнае хуліганства).

24.03.2014 У Брэсцкай вобласці не абралі дэпутатаў у трох выбарчых акругах

Пракаментаваў галоўны ў рэгіёне “куратар” выбараў і ўдзел прадстаўнікоў апазіцыі ў гэтай кампаніі. “Апазіцыйныя кандыдаты правялі выбарчую кампанію ў сваю сілу, - лічыць Александр Каляда. – Дакладных лічбаў у мяне пакуль няма, але мяркую, што свае 10-15% яны набралі”.

24.03.2014 Гродна: журналіста абвінавачваюць у незаконным вырабе і распаўсюдзе інфармацыі

Гарадзенскага сябра “Беларускай асацыяцыі журналістаў” Алеся Дзянісава вінавацяць у нібыта здзяйсненні адміністрацыйнага правапарушэння па частцы 2 артыкулу 22.9 КаАП – незаконны выраб і распаўсюд інфармацыі. Цяпер журналісту-фрылансеру пагражае штраф ад 20 да 50 базавых велічынь.

24.03.2014 Антону Жылко прысудзілі пяць сутак арышту

Аднак пакінулі на свабодзе да абскарджвання рашэння суда. Працэс праходзіў у судзе Партызанскага раёну г.Мінска.

24.03.2014 У пракуратуры Віцебска не навучыліся пісаць без памылак (дакумент)

Чым выкліканы такі нэрвозны настрой у пракуратуры, што нават прозвішча заяўніка напісана з памылкамі, не кажучы ўжо пра іншыя памылкі ў лісце за подпісам пракурора Ю.В.Раманоўскага? Хто друкаваў такі адказ, дзе замест "юстиции" напісана "юствдии", замест "избирателей" – "дзбиратгёяей", замест "заявителю" – ";щявителю".

24.03.2014 Справаздача па выніках назірання за выбарамі дэпутатаў мясцовых Саветаў дэпутатаў 27 склікання

Назіранне ажыццяўлялася актывістамі РПГА «Беларускі Хельсінкскі камітэт» і ПЦ «Вясна» ў межах кампаніі «Праваабаронцы за свабодныя выбары».

24.03.2014 Вынікі мясцовых выбараў: 88% акругаў - безальтэрнатыўныя (відэа)

Правааабронцы адзначаюць, што выбары прайшлі са шматлікімі парушэннямі. Рэкамендацыі незалежных назіральнікаў па-ранейшаму ігнаруюцца ЦВК і членамі выбарчых камісіяў.

24.03.2014 Рэдактар мазырскай раёнкі праслаўляе выбары і Беларусь, перадрукоўваючы свой жа артыкул чатырохгадовай даўніны

Сапраўды, шмат пісалася пра выбары! Асабліва Ларысай Чорнай. І не толькі пра выбары. Як выявілася, дадзены пафасны артыкул яна напісала чатыры гады таму, і прысвечаны ён быў тады Усебеларускаму сходу ў 2010 годзе.

24.03.2014 Баранавічы: неверагодныя лічбы галасавання па месцы жыхарства

Так, на выбарчым участку № 49 у дзень выбараў 23 сакавіка прагаласавала, па дадзеных незалежных назіральнікаў, 396 выбаршчыкаў, а па месцы жыхарства – 403 чалавекі, г. зн., больш, чым на выбарчым участку за цэлы дзень галасавання.

24.03.2014 Салігорск: Падлік галасоў у звыклай непразрыстай манеры (фота)

Незалежныя назіральнікі канстатуюць, што працэдура падліку галасоў у Салігорску ўжо традыцыйна адбывалася ў непразрыстай манеры. Выніковых паседжанняў камісій пасля падліку галасоў ніводны незалежны назіральнік таксама не пабачыў.

24.03.2014 Тры актывісты «Справядлівага сьвету» прабіліся ў сельсаветы

Партыя левых «Справядлівы сьвет» правяла трох дэпутатаў у сельскія саветы Аршанскага раёну. На выбарах перамаглі: Анатоль Гоцман, Юры Курганаў і Жанна Франкова.