Праваабарончы цэнтр «ВЯСНА»

Навіны за 25 сакавіка 2014

25.03.2014 Беларускага анархіста вінавацяць у падрыхтоўцы тэракту на Курскай АЭС

Толькі цяпер стала вядома, што на расійска-ўкраінскай мяжы 14 сакавіка затрымалі гамельчука Дзмітрыя Разановіча.

25.03.2014 Горадня: міліцыянты ў кватэры Алеся Кіркевіча

У Алеся Кіркевіча, гарадзенскага актывіста, журналіста, міліцыянты вырашылі зрабіць агляд кватэры.

25.03.2014 Сёння – Дзень Волі (абнаўляецца)

У гэтым годзе Дзень Волі адзначаецца ў фармаце шэсця ад кінатэатра «Кастрычнік» па вуліцы Сурганава да Парка Дружбы народаў. Заяўнікі першапачаткова прасілі прайсціся праспектам Незалежнасці да аднайменнай плошчы, аднак Менгарвыканкам не дазволіў святкаванне ў такім фармаце.

25.03.2014 Пятру Кучуру адмянілі турэмны рэжым

Пра гэта ПЦ "Вясна" паведаміла жонка зняволенага пасля тэлефоннай размовы з ім. Але Людміла Кучура не спыняецца на дасягнутым і накіроўвае ў ААН скаргу па факце катаванняў мужа ў магілёўскай калоніі.

25.03.2014 Баранавічы: на 5 альтэрнатыўных акругах пераможцаў ад апазіцыі няма

За беспартыйнага кандыдата ў дэпутаты індывідуальнага прадпрымальніка Дзмітрыя Аўгуста на выбарчай акрузе № 20 прагаласавала 20% выбаршчыкаў. А выкладчык Баранавіцкага дзяржаўнага універсітэта Сяргей Мудроў, які балатаваўся па гарадской выбарчай акрузе № 35, атрымаў 26,9 % галасоў выбаршчыкаў.

25.03.2014 Суд адмяніў рашэнне міліцыі, якая аштрафавала Віталя Рымашэўскага

25 сакавіка суд Савецкага раёна Мінска адмяніў рашэнне Савецкага РУУС.

25.03.2014 Двух актывістаў БХД затрымалі на выхадзе з украінскага консульства

У Брэсце затрыманыя актывісты Беларускай хрысціянскай дэмакратыі Георгій Дзмітрук і Зміцер Шухрай. Яны былі ўзятыя міліцыянтамі, калі выходзілі з консульства Украіны. Актывістаў завезлі ў аддзяленне міліцыі, што ім інкрымінуюць — пакуль невядома. Пра гэта паведаміў «Нашай Ніве» сустаршыня аргкамітэта па стварэнні партыі БХД Павал Севярынец.

25.03.2014 У Жодзінскай ГВК адмовіліся агучваць канчатковыя вынікі галасавання

Незалежны назіральнік Аляксей Лапіцкі паведамляе, што такога ўраджайнага галасвання на мясцовых выбарах у Жодзіна дагэтуль не было. Пры гэтым у плане агітацыі кампанія прайшла непрыкметна.

25.03.2014 Бабруйск: Сябры СПБ распачалі папераджальную галадоўку

Раніцай 25 сакавіка на бабруйскім заводзе ТДіА (трактарных дэталяў і агрэгатаў) пачалася трохдзённая папераджальная галадоўка. У ёй бяруць удзел пяць сябраў Свабоднага прафсаюза Беларускага, у тым ліку старшыня завадской пярвічкі Міхаіл Кавалькоў.

25.03.2014 Баранавічы: назіральнік просіць пракуратуру праверыць “рэкорды” галасавання на даму

У дзень выбараў на ўчастку прагаласавала 396 выбаршчыкаў, а па месцы жыхарства – 403 чалавекі. Віктар Сырыца адзначае, што арганізацыяй галасавання па месцы жыхарства выбаршчыкаў займаліся толькі 2 сябры выбарчай камісіі з адной выноснай скрыняй прыблізна 3 гадзіны.

25.03.2014 Праваабарончая праграма “Людзьмі звацца!” на Беларускім Радыё Рацыя

“Асоба. Дзяржава. Грамадства”: госць рубрыкі – адзін з заяўнікоў сёлетняга святкавання Дня Волі, старшыня Партыі БНФ Аляксей Янукевіч. "Падзея тыдня": высновы незалежнага назірання за мясцовымі выбарамі, якія адбыліся ў Беларусі 23 сакавіка.

25.03.2014 Дапамагчы Мікалаю Аўтуховічу

Да журналістаў звярнуўся прадпрымальнік Артур Папок — даўні прыхільнік незалежных мас-медыя, але цяперашні заклік тычыцца лёсу пакуль яшчэ палітычнага зняволенага Мікалая Аўтуховіча, які 8 красавіка мусіць выйсці на волю.

25.03.2014 Выніковая прэс-канферэнцыя прадстаўнікоў кампаніі "Праваабаронцы за свабодныя выбары" на youtube

На старонцы Праваабарончага цэнтру “Вясна” ў youtube з’явіўся відэазапіс з прэс-канферэнцыі кампаніі "Праваабаронцы за свабодныя выбары", якая падвяла вынікі назірання за выбарамі дэпутатаў мясцовых Саветаў 27-га склікання.