Праваабарончы цэнтр «ВЯСНА»

Навіны за 11 сакавіка 2014

11.03.2014 Гродна: абласны суд не задаволіў скаргі сябраў АГП

У Гродзенскім абласным судзе 11 сакавіка прайшоў разгляд скаргаў трох актывістаў АГП – Аляксандры Васілевіч, Ежы Грыгенчы і Ірыны Давідовіч. Усе яны імкнуліся аспрэчыць пастанову суддзі Алены Пятровай, якая пакарала партыйных актывістаў за правядзенне 7 лютага бягучага году нібыта несанкцыянаванага пікету вялікімі штрафамі.

11.03.2014 Вадзіма Саранчукова пазбавілі кандыдацкага статусу

Адзінага кандыдата ў дэпутаты Гродзенскага гарсавету ад Партыі БНФ Вадзіма Саранчукова гарадская выбарчая камісія “зняла” з выбарчага працэсу. Пра гэта Саранчукову паведамілі на чарговым пасяджэнні гарадской камісіі.

11.03.2014 Віцебскі апазіцыйны кандыдат Вадзім Кузьмін: "Інфармацыю пра мяне сказілі знарок!"

У выніку "праўкі" знікла інфармацыя пра тое, што Вадзім Кузьмін ўзнагароджаны трыма ордэнамі за працу па ліквідацыі наступстваў на Чарнобыльскай АЭС. Зніклі звесткі і пра 5 медалёў, якімі кандыдат узнагароджаны. Нідзе не згадана, што ён мае 4 адукацыі.

11.03.2014 У Гомелі хуліганы напалі на пікет кандыдата ў дэпутаты ад АГП

У Гомелі 11 сакавіка агітацыйны пікет праводзіў кандыдат у дэпутаты гарсавету па Студэнцкай акрузе Зміцер Карпенка, сябра АГП. На адным з плакатаў ён выказаў свае адносіны да падзей ва Украіне, напісаўшы «Кандыдат Зміцер Карпенка – супраць вайны, за Украіну!».

11.03.2014 У Менску судзяць гомельскіх актывістаў

У судзе Цэнтральнага раёна Менска пачаўся разгляд адміністратыўных спраў гомельскіх актывістаў Стаса Булы і Зміцера Карашкова.

11.03.2014 Кандыдата ў дэпутаты затрымалі на плошчы Якуба Коласа за бел-чырвона-белы сцяг

11 сакавіка на пляцоўцы каля мінскай Філармоніі быў затрыманы кандыдат у дэпутаты Мінскага гарсавета ад Партыі БНФ Яўген Рыбакоў. Ён ладзіў перадвыбарчы пікет. Спадар Рыбакоў меў у руках бел-чырвона-белы сцяг.

11.03.2014 Дзень Волі: маршрут шэсьця зьменены

Увечары 10 сакавіка прадстаўнікам аргкамітэту па сьвяткаваньні Дня Волі было ўручанае рашэньне Менгарвыканкама пра забарону шэсьця і мітынгу 25 сакавіка з нагоды Дня Волі.

11.03.2014 У Магілёве адцэнзуравалі біаграфію кандыдата ў дэпутаты

З гэтай нагоды актывіст незалежнага прафсаюза Радыёэлектроннай прамысловасці Аляксей Паўлоўскі падаў скаргі ў Ямніцкую акруговую выбарчую камісію №35, а таксама ў Магілёўскую гарадскую выбарчую камісію.

11.03.2014 Жыхары аграгарадка змагаюцца за школу (копія звароту)

Жыхар аграгарадка Вялікая Машчаніца Бялыніцкага раёна 11 сакавіка накіравалі калектыўны зварот на імя начальніка ўпраўлення адукацыі Магілёўскага аблвыканкама. У сваім звароце жыхары аграгарадка патрабуюць ад упраўлення адукацыі захаваць у Машчаніцы сярэднюю школу.

11.03.2014 У інтэрнэце распаўсюджваюць "кампрамат" на віцебскага апазіцыйнага кандыдата

Хрыстафор Жаляпаў, якога нехта спрабуе выставіць у непрывабным святле, не здзіўлены: "Гэтыя фотаздымкі, дзе я сяджу ў рэстарацыі на юбілеі сябра, мне паказвалі яшчэ ў 2003 годзе. Тады іх спрабавалі выкарыстаць для шантажу, а цяпер – для дыскрэдытацыі, нібыта я злоўжываю алкаголем".

11.03.2014 Пад амбасадай Расіі ў Мінску затрыманы ўдзельнікі пікету супраць акупацыі ў Крыме

11 сакавіка ў Мінску каля амбасады Расіі былі затрыманы міліцыяй актывіст «Маладога фронту» з Гомеля Стас Була і актывіст гомельскай кааліцыі «Наша альтэрнатыва» Зміцер Карашкоў. Яны праводзілі пікет супраць расійскай акупацыі ў Крыме, трымалі плакаты «Пуцін – вораг Украіны і Расіі» і «Пуцін, прэч рукі ад Украіны – не вайне!».

11.03.2014 “Апошняя дыктатура Еўропы” - у Жэневе

Міжнародная федэрацыя за правы чалавека (FIDH) прысвяціла гэты фестываль праваабаронцам, якія сімвалізуюць змаганне за чалавечую годнасць і правы чалавека ва ўсім свеце. У Беларусі такім сімвалам з’яўляецца зняволены кіраўнік Праваабарончага цэнтру “Вясна” Алесь Бяляцкі.

11.03.2014 Уладзь Яроменак выйшаў на волю

А восьмай раніцы з арыштнага дома ў Баранавічах на волю выйшаў актывіст Маладога фронту Ўладзь Яроменак. Ён адбываў трохмесячны арышт за парушэньне рэжыму прэвэнтыўнага нагляду.

11.03.2014 Рэдактарка "Дняпроўскай праўды" ўбачыла ў праграме кандыдата замах на канстытуцыйны лад

Віцебскаму актывісту Аляксею Гаўруцікаву было адмоўлена ў апублікаванні ягонай праграмы і біяграфічных звесткак у дубровенскай "раёнцы". Рэдактарка заявіла, што ў праграме кандыдата ўтрымліваецца "прыхаваны заклік да змянення канстытуцыйнага ладу і змены ўлады".

11.03.2014 Орша: кандыдат не можа атрымаць з друкарні агітацыйныя ўлёткі

Кандыдат у дэпутаты ад Партыі БНФ, аршанец Ігар Казмярчак ужо тыдзень не можа дамагчыся, каб яму належным чынам надрукавалі агітацыйныя ўлёткі. Тым часам ў Оршы з'яўляюцца ўлёткі іншых кандыдатаў – без выходных дадзеных. Ігар Казмярчак спрабуе вырашыць праблему з улёткамі не першы дзень.