Праваабарончы цэнтр «ВЯСНА»

Навіны за Кастрычнік 2015

27.10.2015 Аб'яднанне "Новая Альтэрнатыва" падало дакументы на рэгістрацыю

У Міністэрства юстыцыі 26 кастрычніка пададзеныя дакументы на рэгістрацыю культурна-асветніцкага грамадзкага аб'яднання "Новая Альтэрнатыва".

27.10.2015 Актывіст дамогся частковага паляпшэння ўмоў утрымання ў ІЧУ Смалявіцага і Мінскага раёнаў

Упраўленне наглядна-выканаўчай дзейнасці МУС, па выніках праверкі скаргі актывіста "Еўрапейскай Беларусі" Леаніда Кулакова на ўмовы ўтрымання ў ІЧУ Смалявіцага і Мінскага раёнаў даслала афіцыйны адказ.

27.10.2015 Праваабарончая праграма “Вясна” на Беларускім Радыё Рацыя

"Асоба": Былы вязень Яўген Васьковіч распавёў, што ўвага звонку і пастаянныя публікацыі ў СМІ дапамагалі яму за кратамі. “Каментар Эксперта”: Валянцін Стэфановіч пракаментаваў выступ Лідзіі Ярмошынай.

26.10.2015 Праваабаронца Судаленка vs Мытня: 1:0

25 кастрычніка скончыўся тэрмін прыцягнення да адміністрацыйнай адказнасці праваабаронцы Леаніда Судаленкі, супраць якога мытня распачала справу аб непадпарадкаванні законнаму патрабаванню службовай асобы.

26.10.2015 Усевалад Аўраменка аштрафаваны за перфоманс на Кастрычніцкай плошчы

Да довадаў Усевалада Аўраменкі суддзя Вікторыя Шабуня не прыслухалася і вынесла пастанову аб пакаранні яго штрафам у памеры 10 базавых велічынь (1 800 000 рублёў).

26.10.2015 “Жывыя размовы” ў Бабруйску: стэрэатыпы адносна праваабарончай дзейнасці

“Нашыя людзі пры словазлучэнні “праваабарончая арганізацыя” адразу ж даюць “пераклад”: апазіцыя...”. Праблема, якую закрануў карэспандэнт “Вячэрняга Бабруйска”, наўпрост уплывае на цікавасць людзей да правоў чалавека, пагаджаюцца ўдзельнікі мерапрыемства.

26.10.2015 Анатоля Лябедзьку чакае чарговы суд

Старшыня Аб’яднанай грамадзянскай партыі Анатоль Лябедзька атрымаў позву з суда Цэнтральнага раёна Менска. Яго выклікаюць 28 кастрычніка на разгляд адміністрацыйнай справы за арганізацыю і ўдзел у несанкцыянаваным масавым мерапрыемстве “Шэсце нацыянальнага сцяга”.

26.10.2015 Ашмянская мытня не знайшла экстрэмізму і вяртае ноўтбук праваабаронцу

Намеснік начальніка Ашмянскай мытні прапанавала праваабаронцу Леаніду Судаленку прыехаць і забраць ноўтбук ды іншыя друкаваныя матэрыялы, якія мытнікі адабралі 25 мая бягучага году, зладзіўшы яму асабісты дагляд,

26.10.2015 Украінская праваабаронца хоча высветліць, чаму яе затрымлівалі ў Мінску

Украінская праваабаронца Марыя Ясяноўская хоча высветліць прычыны свайго затрымання ў Мінску. Таксама яна хоча даведацца, чаму трапіла ў спіс асобаў, якім забаронены ўезд у Беларусь.

25.10.2015 МУС прызнаў: бярозаўская міліцыя ацэньвае ахову пікетаў па завышаных коштах

У рахунак на аказанне паслуг па ахове грамадскага парадку Бярозаўскім РАУС даручана ўнесці змены. Такі адказ атрымалі заяўнікі пікета на 27 ліпеня ў Бярозе.

25.10.2015 Віцебск: пікеты супраць размяшчэння расійскіх авіябаз не дазволены

Раённыя адміністрацыі Віцебска забаранілі актывістам Кансерватыўна-Хрысціянская партыі БНФ праводзіць акцыі, запланаваныя на 25 кастрычніка.

25.10.2015 Баранавічы: супраць Рыгора Грыка вылучана яшчэ адно абвінавачанне

Толькі перад трэцім судовым паседжаннем актывіст і яго адвакат даведаліся з інфармацыі на стэндзе, што да абвінавачання ў дробным хуліганстве дададзена абвінавачанне ў арганізацыі несанкцыянаванага масавага мерапрыемства (арт.23.34 КаАП).

24.10.2015 Бяроза: назіральнікі просяць райвыканкам прадставіць магчымасць азнаёміцца з выніковымі пратаколамі ўсіх участкаў

Назіральнікі вырашылі паспрабаваць параўнаць вынікі выбараў па ўчастках, дзе былі назіральнікі, і дзе назіральнікаў не было. Яны накіравалі ў Бярозаўскі райвыканкам заяву з просьбай даць магчымасць азнаёміцца з усімі пратаколамі выбарчых участкаў.

23.10.2015 Рэакцыя ЦВК на дакументы, якія даказваюць фальсіфікацыю: “устанавіць недакладнасць звестак не ўяўляецца магчымым” (дакументы)

Дзергачоў накіраваў фотакопіі дакументаў, якія ўкаказвалі на неадпаведнасць паміж агульнымі афіцыйнымі дадзенымі ЦВК і дадзенымі ў пратаколах на некалькіх участках па Смаргонскім раёне за кандыдатку Таццяну Караткевіч. Афіцыйныя дадзеныя на сайце ЦВК апынуліся істотна заніжанымі.

23.10.2015 На скаргу слонімскага назіральніка Івана Бедкі ЦВК не адказала па сутнасці (дакумент)

А ў апошнім абзацы спадарыня Ярмошына паведаміла: “…пры падрыхтоўцы да наступных выбараў увага будзе звернута на выкананне працэдуры падліку галасоў і забеспячэнне умоў для назірання за гэтым працэсам”.