Праваабарончы цэнтр «ВЯСНА»

Навіны за Верасень 2020

02.09.2020 Справы журналістаў за ўдзел у студэнцкіх акцыях пратэсту адправілі на "дапрацоўкі". Але іх не вызвалілі

У судзе Кастрычніцкага раёна Мінска 2 верасня пасля абеду разглядаюцца адміністрацыйныя справы супраць журналістаў, якіх затрымалі падчас студэнцкіх акцый пратэстаў у Дзень ведаў. Усіх абвінавачваюць ва ўдзеле ў несанкцыянаванай акцыі пратэсту паводле арт. 23.34 КаАП. Ноч журналісты правялі ў Кастрычніцкім РУУСе.

02.09.2020 Суды над затрыманымі пратэстоўцамі, студэнтамі і журналістамі адбываюцца ў Мінску

2 верасня ў судах Мінска прызначаныя разгляды адміністрацыйных спраў у дачыненні да затрыманых студэнтаў, якія адзначылі "Дзень ведаў" мірнымі акцыямі пратэсту.

02.09.2020 "На расстрэл вас прывезлі, хлопцы". Сведчаць пацярпелыя

21-гадовага Мікіту затрымалі супрацоўнікі АМАПу ў Мінску ў ноч з 9 на 10 жніўня за белую стужачку ў кішэні. Хлопец вяртаўся дадому, але трапіў на Акрэсціна, дзе яго асудзілі на 13 сутак па арт. 23.34 КаАП за тое, што ён нібыта выкрыкваў лозунгі на акцыі пратэсту. Зараз Мікіта знаходзіцца ў адной з мінскіх бальніц. У заключэнні ў яго значыцца чэрапна-мазгавая траўма, удары, у тым ліку ўнутраных органаў, пашкоджанні. Мікіта распавёў "Вясне", што адбылося з ім у тую ноч і як прайшлі яго наступныя пяць сутак.

02.09.2020 У кампаніі PandaDoc ператрус - яе заснавальнік дапамагае сілавікам кінуць працу

Як паведамляюць супрацоўнікі кампаніі і Telegram-канал "Матолькопомогі", у менскім офісе кампаніі PandaDoc супрацоўнікі ДФР праводзяць ператрус.

02.09.2020 Сабралі інфармацыю пра загінулых пад час масавых акцый пратэсту

У перыяд з 9 жніўня, калі ў Беларусі адбыліся першыя акцыі пратэсту супраць фальсіфікацыі прэзідэнцкіх выбараў, прадстаўнікі сілавых структур прымянялі жорсткія, з непрапарцыйным ужываннем фізічнай сілы, дзеянні па разгоне грамадзян. Былі і загінулыя.

02.09.2020 З СІЗА КДБ пад падпіску аб нявыездзе адпушчаная Алена Карагачава

Са следчага ізалятара КДБ пад падпіску аб нявыездзе адпушчаная Алена Карагачава - асабісты памочнік прэтэндэнта на пасаду прэзідэнта, былога кіраўніка "Белгазпрамбанка" Віктара Бабарыкі

02.09.2020 Эксперты ААН: Беларусь павінна спыніць катаванні над пратэстоўцамі і прадухіліць гвалтоўныя знікненні

Эксперты ААН па правах чалавека заклікалі Беларусь спыніць катаванні над затрыманымі і прыцягнуць да адказнасці супрацоўнікаў міліцыі, якія, як паведамляецца, беспакарана прыніжалі і збівалі дэманстрантаў у месцах утрымання пад вартай.

01.09.2020 Правасуддзе за 5 хвілін. Як судзілі на Акрэсціна? — Праваабарончы падкаст "Вясна прыйдзе"

"Самы незалежны суд — у Беларусі", — заявіў Аляксандр Лукашэнка. А што ж распавядаюць людзі, якіх затрымалі 9 -12 жніўня, а потым судзілі наўпрост у ІЧУ на Акрэсціна?

01.09.2020 Узяліся за студэнтаў. У першы дзень восені працягваюцца затрыманні

Раніца 1 верасня ў Мінску і іншых гарадах азмрочылася затрыманнямі грамадзян і студэнтаў.

01.09.2020 Сведчаць пацярпелыя: "У аўтазаку на мяне сеў АМАПавец і крыкнуў: "Глядзіце, якое ў мяне добрае крэселка!"

Андрэя Вяршэню брутальна выцягнулі супрацоўнікі АМАП з асабістага аўтамабіля ў ноч з 11 на 12 жніўня недалёка ад ГЦ "Рыга", калі ён падвозіў сваіх сяброў дадому. На працягу ўсёй дарогі ў ІЧУ і пазней яго збівалі зноў і зноў, пакуль Андрэй не стаў губляць прытомнасць.

01.09.2020 Сітуацыя з правамі чалавека ў Беларусі. Жнівень 2020

Прадстаўнікі ПЦ "Вясна" канстатуюць наяўнасць глыбокага крызісу правоў чалавека ў краіне, які закранае практычна ўвесь спектр грамадзянскіх і палітычных правоў, які прывёў да грубых парушэнняў правоў тысяч грамадзян і патрабуе неадкладнага ўрэгулявання у тым ліку з удзелам міжнародных арганізацый.

01.09.2020 Валанцёра "Вясны" падазраюць у арганізацыі масавых беспарадкаў

На валанцёра Валанцёрскай службы "Вясны" Паўла Гарбуза распачалі крымінальную справу паводле артыкула 293 Крымінальнага кодэкса (Масавыя беспарадкі). Яго падазраюць у арганізацыі масавых беспарадкаў 9-12 жніўня ў Мінску. На дадзены момант Павел затрыманы і знаходзіцца ў статусе падазраванага ў ізалятары часовага ўтрымання на Акрэсціна.

01.09.2020 Праваабаронца Валер Шчукін шпіталізаваны, ён у цяжкім стане

Як паведамляе "Радыё Свабода", апазыцыйны палітык, праваабаронца Валер Шчукін цягам двух тыдняў знаходзіцца на лячэнні ў вайсковым шпіталі ў Менску.

01.09.2020 Суды над затрыманымі 28, 29 і 30 жніўня працягваюцца і 1 верасня. Спіс

На мірных акцыях пратэста 28, 29 і 30 жніўня адбыліся затрыманні дэманстрантаў. У панядзелак над імі адбываліся суды. 1 верасня судовыя канвееры працягваюцца: затрыманых штрафуюць і адпраўляюць на суткі.

01.09.2020 Праваабарончая праграма "Вясна" на Беларускім Радыё Рацыя

Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.