Праваабарончы цэнтр «ВЯСНА»

Навіны за 23 верасьня 2008

23.09.2008 Пры датэрміновым галасаваньні няма кантролю

Сёньня ў Беларусі пачынаецца датэрміновае галасаваньне ў выбарах дэпутатаў Палаты прадстаўнікоў чацьвёртага скліканьня. Датэрмінова прагаласаваць можна ў любы з пяці дзён, якія застаюцца да 28-га верасьня. Прычым, ніякіх дакумэнтаў, якія б пацьвярджалі, што ахвотны галасаваць раней не мае магчымасьці прыйсьці на выбарчы ўчастак у асноўны дзень галасаваньня, не патрабуецца.

23.09.2008 Фатографу «Народнай волі» не дазволілі здымаць датэрміновае галасаванне

Фотакарэспандэнту недзяржаўнай газеты «Народная воля», сябру ГА «БАЖ» Юрыю Дзядзінкіну сёння раніцай не дазволілі рабіць фотаздымкі на ўчастку, дзе пачалося датэрміновае галасаванне.

23.09.2008 Рэктар патрабуе галасаваць датэрмінова

Сёньня ў Берасьцейскім дзяржаўным унівэрсытэце імя Пушкіна адбыліся так званыя прафіляктычныя гутаркі выкладчыкаў са студэнтамі.

23.09.2008 Упершыню ў Савет Рэспублікі будуць прызначаныя паўторныя выбары

Паўторныя выбары будуць упершыню прызначаныя ў Савет Рэспублікі Нацыянальнага сходу. Прычынай такой сітуацыі стала адмова айца Фёдара Поўнага балатавацца кандыдатам у сенатары.

23.09.2008 Крычаў: агітацыя адбываецца не на роўных умовах

Такую думку выказаў кандыдат у дэпутаты па Крычаўская выбарчая акруга №83, рэдактар незалежнай газеты “Вольны горад” Сяргей Няроўны.

23.09.2008 Каманда Раманчука не можа атрымаць дадзеныя

Прадстаўнікі участковых выбарчых камісій Гродзенскай – Паўночнай акругі адмаўляюцца прадастаўляць дадзеныя давераным асобам кандыдата ў дэпутаты Яраслава Раманчука, парушаючы такім чынам беларускае заканадаўства, паводле якога выбары павінны быць адкрытымі і празрыстымі.

23.09.2008 Гомель: Участковыя камісіі не рэгіструюць назіральнікаў

Падставай для адмовы называецца адсутнасць пячаткі на дакументах аб вылучэнні, якая па статуту партыі не прадугледжаная ўвогуле.

23.09.2008 Магілёў: На прахадной завода “Электрарухавік” зрываюць агітацыйныя матэрыялы кандыдата ў дэпутаты Алеся Сілкова

“Сябра маёй ініцыятыўнай групы Віталь Макаранка павесіў мой агітацыйны плакат на прахадной завода “Электрарухавік”, - гаворыць Алесь Сілкоў, - але пры чарговым наведванні гэтага месца заўважыў, што плаката няма, а на яго месцы вісіць агітацыйны матэрыял за праўладнага кандыдата ў дэпутаты спадара Юшкевіча”.

23.09.2008 Маладэчна: Райвыканкам агітуе за кандыдата

Як стала вядома назіральнікам, у Маладэчне намеснік старшыні райвыканкама Яфім Ідэльчык на мінулым і пазамінулым тыднях збіраў у райвыканкаме нарады кіраўнікоў прадпрыемстваў і прадпрамальнікаў.

23.09.2008 Менск: Для Цэнтральнай камісіі прапановы і скаргі апазіцыянераў не з'яўляюцца "глабальнымі пытаннямі"

Цэнтральная камісія ігнаруе большасць прапановаў і скаргаў ад прадстаўнікоў апазіцыі. Сэнс амаль усіх адказаў кіраўніцтва ЦВК на заўвагі і патрабаванні дэмакратаў зводзіцца да аднаго – узнятыя пытанні не заслугоўваюць таго, каб губляць час на іх разгляд. Апошняе паседжанне Цэнтральнай камісіі - чарговае таму пацверджанне.

23.09.2008 Ельск: Затрыманы сябра групы апазыцыйнага кандыдата

22 верасня ў Ельску а палове на 22-ю гадзіну міліцыя затрымала чарнобыльскага ліквідатара, інваліда другой групы Васіля Сіліверста. Ён зьяўляецца сябрам ініцыятыўнай групы кандыдата ў дэпутаты ад АГП у Палескай выбарчай акрузе №43 Мікалая Гаўрыленкі.

23.09.2008 Мінгарсуд разгледзіць скаргу аб незаконнасці фармавання ўчастковых камісій

У Менскім гарадскім судзе на 25 верасня прызначаны разгляд скаргі аб незаконнасці фармавання ўчастковых выбарчых камісій (УВК) адміністрацыяй Цэнтральнага раёна Менска.

23.09.2008 Тацяна Северынец здымаецца з выбараў

Апазыцыйная кандыдатка падала ў акруговую выбарчую камісію заяву, што адмаўляецца ад удзелу ў выбарах, бо падчас гэтае кампаніі сыстэматычна парушаецца выбарчае заканадаўства.

23.09.2008 Віцебск: Здзейснены напад на кандыдата Андрэя Левінава

У выніку нападу ў Андрэя Левінава засталася рана на правай скроневай вобласці галавы.

23.09.2008 Капыль: Суд не стаў разглядаць скаргу аб парушэннях пры фармаванні камісій

Нагадаем, назіральнік БХК Віктар Дашкевіч выявіў, што ў некаторыя ўчастковыя выбарчыя камісіі ад працоўных калектываў былі ўключаныя асобы, не якія маюць да гэтых працоўных калектываў ніякага дачынення.