Праваабарончы цэнтр «ВЯСНА»

Навіны за 5 верасьня 2008

05.09.2008 Тыдзень выбарчай кампаніі: падзеі і абагульненні

Галоўнымі падзеямі тыдню сталі пачатак агітацыйнай кампаніі кандыдатаў у дэпутаты, а таксама разгляд Цэнтральнай камісіяй скаргаў тых прэтэндэнтаў, якія не прайшлі ў акруговых камісіях рэгістрацыю.

05.09.2008 Суд арыштаваў кватэру лідэра АГП

Суд Цэнтральнага раёну Мінску наклаў арышт на кватэру старшыні Аб’яднанай грамадзянскай партыі, кандыдата ў дэпутаты Палаты прадстаўнікоў Анатоля Лябедзькі.

05.09.2008 Эўрасаюз заварушыўся

Кіраўнікі дыпляматычных ведамстваў краінаў ЭС у суботу абмяркуюць пытаньне аб скасаваньні санкцый супраць Беларусі. Ініцыятарам дыскусіі выступіла Польшча. Пра гэта ў пятніцу паведаміў у Авіньёне міністар замежных справаў гэтай краіны Радаслаў Сікорскі.

05.09.2008 Бабруйск: Адказ на скаргу – папрок у «неэтычнасці»

Ярмошына: «Этычна непрыгожа, калі гэтым інстументам карыстаюцца для пазбаўлення ад канкурэнтаў».

05.09.2008 Магілёў: Моладзевых актывістаў адлічаюць з універсітэту

Каардынатарку аргкамітэту партыі “Беларуская Хрысціянская дэмакратыя” па Магілёўскай вобласці Таццяну Шамбалаву і аднаго з лідэраў магілёўскай арганізацыі “Малады Фронт” Расціслава Панкратава адлічаюць з Магілёўскага дзяржаўнага ўніверсітэту імя А. Куляшова.

05.09.2008 Берасцейшчына: “Шматгранная” Ніна Федарук

Ужо зараз можна казаць аб катастрафічна непараўнальных магчымасцях кандыдатаў па Мухавецкай выбарчай акрузе № 4.

05.09.2008 Гродзенскай АГП вярнулі канфіскаваную тэхніку

Супрацоўнікі гарадзенскай міліцыі вярнулі канфіскаваную кампутарную тэхніку абласной суполцы Аб'яднанай грамадзянскай партыі. Сістэмны блёк і ксэракс міліцыянты канфіскавалі падчас вобшука, які адбыўся на офісе АГП у студзені бягучага года.

05.09.2008 Барысаў: Кандыдат вырашае канфлікт падатакавікоў з прадпрымальнікамі

Канфліктную сітуацыю, якая склалася на адным з рынкаў Барысава 3 верасня паміж прадстаўнікамі падатковай інспекцыі з Лагойска і гаспадыняй адной з гандлёвых палатак, запрасілі вырашыць кандыдата ў дэпутаты па Барысаўскай гарадской выбарчай акрузе №62 Віктара Гарбачова.

05.09.2008 Брэст: Дзе кандыдатам сустрэцца з выбаршчыкамі?

Акруговая камісіія не склала аніякага плану сустрэч кандыдатаў з выбаршчыкамі. Застаецца толькі спадзявацца на сустрэчы з людзьмі на вуліцах.

05.09.2008 Алег Гулак: "Пераважная большасць адмоваў у рэгістрацыі кандыдатаў -- па фармальных падставах"

Пераважная большасць адмоў у рэгістрацыі кандыдатаў была праведзена па фармальных падставах. Відавочна, што шматлікія працэдуры, неабходныя для рэгістрацыі кандыдатаў, уяўляюць сабою фармальныя перашкоды, ніяк не звязаныя з забеспячэннем права грамадзян абіраць і быць абранымі.

05.09.2008 Мазыр: Выбаршчыкам паказалі іх сапраўднае месца

Гэтая абуральная (калі не назваць яе трагікамічнай) гісторыя пачалася пасля таго, як супрацоўнікі Мазырскага ААТ “Беларускабель” нечакана для сябе даведаліся, што яны нібыта вылучылі ў склад акруговай выбарчай камісіі па Мазырскай выбарчай акрузе №42 сваім працоўным калектывам намесніка дырэктара па ідэалагічнай рабоце Навіцкага І.Р.

05.09.2008 Кандыдат у дэпутаты Віктар Янчурэвіч збіраецца правесці ў Мінску 23 пікеты

Заяўку на правядзенне 23 пікетаў падае кандыдат у дэпутаты па Каліноўскай выбарчай акрузе сталіцы, прыхільнік Руху “За Свабоду” Віктар Янчурэвіч.

05.09.2008 Стыхійны страйк прадпрымальнікаў у Рэчыцы

Раніцай 4 верасня ў Рэчыцы прадпрымальнікі Славянскага й Цэнтральнага рынкаў правялі кароткі страйк. Працу не распачынала большасьць гандляроў. Прычыну стыхійнага страйку патлумачыў актывіст прадпрымальніцкага руху з Рэчыцы Алег Шабетнік:

05.09.2008 Горадня: Мечыслава Яскевіча адпусьцілі

Як паведаміў Радыё «Свабода» па тэлефоне Мечыслаў Яскевіч, 4 верасня пасьля затрыманьня ў машыне на вуліцы Кабяка яго даставілі ў Кастрычніцкі РАУС Горадні.

05.09.2008 Віцебск: Загучалі заклікі галасаваць датэрмінова

Галасаваць датэрмінова заклікалі на пашыранай нарадзе ветэранскага актыву вобласці, прапрэзідэнцкіх аб'яднанняў КПБ, "Белая Русь", БРСМ, прафсаюзаў, асацыяцыі былых малалетніх вязняў, Беларускага фонду міру.