Праваабарончы цэнтр «ВЯСНА»

Навіны за Люты 2011

22.02.2011 Аналітычны агляд судовага працэсу па крымінальнай справе Арцёма Брэуса і Івана Гапонава. Дзень першы

У выніку маніторынгу дадзенага крымінальнага працэсу Праваабарончы цэнтр “Вясна” прыходзіць да высноваў аб адсутнасці ў дзеяннях А.Брэуса і І.Гапонава прыкметаў крымінальнага злачынства наогул і настойвае на іх неадкладным вызваленні.

22.02.2011 Суд "БХД супраць Мінюста" адкладзены, Севярынца на яго не адпусьцяць

Сёньня адбылося першае паседжаньне Вярхоўнага Суда РБ па скарзе прадстаўнікоў БХД на рашэньне Міністэрства юстыцыі аб трэцяй адмове ў дзяржаўнай рэгістрацыі партыі "Беларуская хрысьціянская дэмакратыя". Паседжаньне працягвалася каля 3 гадзінаў з паўгадзінным перапынкам, і ў выніку было перанесенае на пятніцу 25 лютага на 10 гадзінаў раніцы.

22.02.2011 У справе расійскіх грамадзянаў Арцёма Брэуса і Івана Гапонава перапынак на сем дзён

Дзяржаўны абвінаваўца Сяргей Кунас заявіў хадайніцтва пра перапынак у судовым працэсе на 7 дзён, да 1 сакавіка, – для перапрад’яўлення абвінавачання. Суддзя Любоў Сямахіна хадайніцтва задаволіла. На думку праваабаронцаў, абвінавачванне Арцёму Брэусу і Івану Гапонову будзе больш мяккім.

22.02.2011 “Праваабаронцы за свабодныя выбары” - кампанія году

Сумесная ініцыятыва Праваабарончага цэнтру “Вясна” і Беларускага Хельсінкскага Камітэту вызначана пераможцам у намінацыі “Кампанія году” прэміі Асамблеі НДА “Чэмпіёны грамадзянскай супольнасьці – 2010”.

22.02.2011 Бублікавай - позва “да запатрабавання”

Журналістка Таццяна Бублікава позву ў Генеральную пракуратуры атрымае "да запатрабавання" на Мінскім Галоўпаштамце.

22.02.2011 Спецдакладчыку ААН па незалежнасьці суддзяў і адвакатаў накіраваныя новыя факты пра перасьлед адвакатаў

У дапаўненьне да ранейшай інфармацыі пра спыненьне ліцэнзій на ажыццяўленьне адвакацкай дзейнасьці, выдадзеных Уладзіміру Тоўсціку, Тамары Гараевай, Алегу Агееву і Таццяне Агеевай, спецдакладчыку ААН па незалежнасьці суддзяў і адвакатаў сп. Габрыеле Кнаўль накіраваныя новыя факты пра пераслед адвакатаў.

22.02.2011 Актывісту Мікіту Ліхавіду выставілі канчатковае абвінавачаньне

21 лютага моладзеваму актывісту Мікіту Ліхавіду выставілі канчатковае абвінавачаньне ва ўдзеле ў масавых беспарадках 19 сьнежня. Пра гэта са спасылкай на адваката паведаміла «Свабодзе» ягоная маці Алена Ліхавід. Санкцыя паводле гэтага абвінавачаньня — да 8 гадоў зьняволеньня.

22.02.2011 ААН у абарону палітзняволеных і праваабаронцаў у Беларусі

Вярхоўны камісар ААН па правах чалавека Наванетхем Пілэй выказала глыбокую заклапочанасць прыгаворам Васілю Парфянкову, які быў прыгавораны да чатырох гадоў пазбаўлення волі ў калоніі строгага рэжыму па абвінавачанні ва ўдзеле ў масавых беспарадках у Мінску 19 снежня.

22.02.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі.

22.02.2011 У Менску сілавікі расшукваюць Тацяну Елавую

У кватэру да маці Тацяны Елавой у 8-40 раніцы 22 лютага спрабавалі патрапіць некалькі асобаў у чорным камуфляжы. Дома ў гэты час знаходзілася сястра Тацяны Алена. Паказаўшы службовае пасведчаньне, аператыўнікі праз дверы сталі дапытвацца пра Тацяну, папярэдзіўшы, што яе расшукваюць як сведку па крымінальнай справе аб масавых беспарадках 19 снежня. Калі Алена не змагла нічога ім паведаміць пра месцазнаходжаньне сястры, яны сталі пагражаць дзяўчыне ўсялякімі праблемамі ў жыцці і судовым пераследам.

22.02.2011 Суд над Атрошчанкавым адбудзецца 1 сакавіка

Як паведаміла «Свабодзе» жонка Аляксандра Атрошчанкава Дар’я Корсак, паводле справы яе мужа, якую раней перадалі ў Фрунзенскі суд Менску, ужо прызначаны дзень працэсу — 1 сакавіка. Працэс будзе весьці судзьдзя Тацяна Чаркас.

22.02.2011 Прызначана дата суду над Дзмітрыем Мядзведзем

1 сакавіка ў судзе Маскоўскага раёну Менску адбудзецца суд над фігурантам справы аб масавых беспарадках Дзмітрыем Мядзведзем, які абвінавачваецца па ч.2 арт.293 КК РБ - "удзел у масавых беспарадках". Працэс будзе весці суддзя Алена Рудніцкая. Пачатак а 10-ай гадзіне.

21.02.2011 Alliance Defense Fund заклікае Мінюст і Рэспубліканскую калегію адвакатаў спыніць пераслед адвакатаў

Роджэр Кішка, дарадца па прававых пытаннях Alliance Defense Fund, юрыдычнай арганізацыі, якая аб’ядноўвае больш за 1700 юрыстаў, звярнуўся да Міністэрства юстыцыі і Рэспубліканскай калегіі адвакатаў з патрабаваннем “спыніць карныя дзеянні ў дачыненні да адвакатаў”, якія абараняюць зняволеных у выніку мірных дэманстрацыяў пратэсту па завяршэнні выбараў у снежні 2010 года.

21.02.2011 Міжнародная назіральная місія патрабуе адкрытых судоў

Міжнародная назіральная місія 21 лютага выступіла з заявай, у якой настойліва рэкамендуе уладам Рэспублікі Беларусь, у прыватнасці, Вярхоўнаму Суду Рэспублікі Беларусь, асобным судам агульнай юрысдыкцыі і адміністрацыям судоў забяспечыць свабодны доступ назіральнікаў маніторынгавых груп Місіі ў памяшканні судоў і непасрэдна ў залы судовых пасяджэнняў падчас правядзення слуханняў па крымінальных справах у дачыненні названых асоб. (Тэкст заявы)

21.02.2011 Тэрмін расследавання справы аб «беспарадках» падоўжаны да пяці месяцаў

Тэрмін расследавання крымінальнай справы па частках 1 і 2 артыкула 293 Крымінальнага кодэкса (масавыя беспарадкі) падоўжаны пракуратурай Мінска да пяці месяцаў, паведамілі ў праваахоўных органах.