Праваабарончы цэнтр «ВЯСНА»

Навіны за 7 верасьня 2012

07.09.2012 Слуцк: Кандыдата ў дэпутаты не пусцілі на сустрэчу з Барысам Батурам

У адміністрацыі райвыканкама фільтравалі жадаючых патрапіць на прыём да старшыні аблвыканкама Барыса Батуры. Па словах кандыдата ў дэпутаты па Слуцкай выбарчай акрузе № 67 Аляксандра Шыловіча, яго спроба сустрэцца 5 верасня са старшынёй Мінаблвыканкама скончылася нічым.

07.09.2012 Брэст: улады лічаць немэтазгодным пашыраць колькасць месцаў для агітацыі

Такую выснову можна зрабіць з адказу, які атрымаў кандыдат у дэпутаты па Брэсцкай-Цэнтральнай акрузе №2 Ігар Маслоўскі на сваю скаргу ў аблвыканкам наконт абмежаванняў, уведзенных гарадскімі ўладамі для правядзення масавых мерапрыемстваў падчас агітацыйнай кампаніі.

07.09.2012 Вынікі назірання за абскарджаннем адмоваў у рэгістрацыі кандыдатаў у дэпутаты

У перыяд з 22 па 25 жніўня ў Цэнтральную камісію паступіла 56 скаргаў на рашэнні АВК аб адмове ў рэгістрацыі кандыдатаў і адна скарга на рашэнне АВК аб адмове раней прынятага рашэння аб рэгістрацыі кандыдата. У Вярхоўны суд паступіла 19 скаргаў.

07.09.2012 У брэсцкіх анархістаў адбыліся ператрусы

Прайшлі ператрусы ў кватэрах брэсцкіх анархістаў, у выніку чаго былі канфіскаваны кампутары і асабістыя рэчы маладых людзей. Акрамя таго, усім былі ўручаны позвы на размову ў КДБ. Пра гэта паведаміў грамадскі актывіст Аляксей Казлянка, да якога дамоў прыходзілі пад час яго адсутнасці.

07.09.2012 “Магілёўскія ведамасці” з праграмамі кандыдатаў у шапіках прадаюць па 1-2 асобнікі

Пра гэта паведамляюць кандыдаты ў дэпутаты і іх давераныя асобы. Афіцыйна наклад газеты “Магілёўскія ведамасці” №91 ад 6 верасня 2012 года мае наклад 10 855 асобнікаў. У свабодным жа доступе – адзінкі.

07.09.2012 Конкурс на ўдзел у доўгатэрміновым курсе павышэння кваліфікацыі адукатараў у галіне правоў чалавека

Абвяшчаецца конкурс на ўдзел у Доўгатэрміновым курсе павышэння кваліфікацыі адукатараў у галіне правоў чалавека, які будзе адбывацца ў дыстанцыйным і вочным фармаце з верасня па лістапад 2012 года.

07.09.2012 Для абвесткі кандыдата ад апазіцыі месца ў газеце не знайшлося

Галоўны рэдактар газеты Аляксандр Іваноў сказаў, што менавіта для абвесткі Кабанава месца ў газеце няма, бо неабходна рэзерваваць рэкламныя старонкі для абвестак спачуванняў па памерлых альбо па іншых нагодах.

07.09.2012 У Менску затрыманы Павал Вінаградаў

У Менску 7 верасьня раніцай на кватэры па месцы жыхарства быў затрыманы лідэр моладзевага крыла «Гавары праўду» - «Zмена» Павал Вінаградаў. Яго адвезлі ў Маскоўскі РУУС.

07.09.2012 Распаўсюдніка недзяржаўнай газеты «Новы час» Аляксандра Процку аштрафавалі

6 верасня адбылося паседжанне адміністрацыйнай камісіі адміністрацыі Савецкага раёна Гомеля, на якім разглядаўся пратакол, складзены міліцыяй у дачыненні Аляксандра Процкі. Сябра Руху «За свабоду» заключыў афіцыйную дамову з рэдакцыяй газеты «Новы час» на распаўсюд выдання.