Праваабарончы цэнтр «ВЯСНА»

Навіны за Красавік 2014

24.04.2014 Бабруйск: Начальства цісне на супрацоўніцу, якая настойвае на нармальных умовах працы

Праблемы пачаліся, калі новая загадчыца змяніла правілы ўнутранага працоўнага распарадку. Згодна з імі, у супрацоўніц па тры перапынкі на перакусы і адпачынак: адзін раз 30 хвілін, і два разы па 10 хвілін. То бок, усяго 50 хвілін на 12-гадзінны працоўны дзень.

24.04.2014 Віцебск: суд скаргу палічыў за паклёп і пакараў скаржніка штрафам

Уласніка дома № 66 па вул. Леніна Кастрычніцкі райсуд прызнаў вінаватым у паклёпе на дырэктара ТДА «Навукова-вытворчае прадпрыемства “Мера”» Сяргея Літвінчука. Гэта прадпрыемства распачало будаўніцтва і хоча знесці некалькі дамоў у гістарычнай частцы Віцебску. Незадаволеныя жыхары напісалі скаргу…

24.04.2014 Ад бялыніцкіх прадпрымальнікаў патрабуюць адпрацаваць на суботніку і яшчэ пералічыць грошы (фота)

“Ніякія грошы я пералічваць не збіраюся, - кажа Алег Мяцеліца. – Мне абсалютна незразумела, чаму, пасля таго, як мы добрасумленна адпрацавалі на суботніках па добраўпарадкаванні Бялыніч, мы яшчэ і павінны пералічваць за гэта грошы”.

24.04.2014 Брэсцкі абласны суд разгледзіць скаргу Мікалая Чарнавуса

Мікалай Чарнавус: "Я звярнуўся са скаргай ў гарадскі суд на незаконныя дзеянні старшыні Баранавіцкай-Заходняй выбарчай акругі № 21 Ларысы Антонавай, якая зрабіла ўсё, каб не дапусціць мой выступ на баранавіцкім радыё".

24.04.2014 Арыштаваныя яшчэ двое актывістаў “Альтэрнатывы”

У Менску 22 красавіка былі затрыманыя актывісты “Альтэрнатывы” Аляксандр Сцепаненка і Уладзімер Сяргееў. Пра гэта стала вядома з паведамлення ў сацыяльнай сетцы Facebook Алега Корбана.

23.04.2014 Палітвязень Васіль Парфянкоў — у ПКТ на паўгода

7 красавіка палітвязьня Парфянкова, які адбывае пакараньне ў папраўчай калёніі № 9 строгага рэжыму ў Горках, на 6 месяцаў зьмясьцілі ў так званае памяшканьне камэрнага тыпу. Пра гэта сам Васіль Парфянкоў напісаў у лісьце да актывісткі грамадзянскай кампаніі «Эўрапейская Беларусь» Юліі Сцяпанавай.

23.04.2014 Салігорск: Праваабаронцы падтрымалі палітвязняў паштоўкамі (фота)

"Мы хацелі нагадаць усім вязням, і найперш нашаму калегу Алесю Бяляцкаму, што многія беларусы не заўважаюць сваёй турмы, бо яе краты нябачныя. Але ёсць людзі, якія застаюцца свабоднымі нават у няволі", - кажа прадстаўнік БХК у рэгіёне Леанід Мархотка.

23.04.2014 За бел-чырвона-белыя сцяжкі – арышт на 10 сутак

Суддзя Заводскага раёна Менска Анастасія Асіпчык 23 красавіка пакарала арыштам на 10 сутак актывіста Іллю Дабратвора.

23.04.2014 У Лідзе сем чалавек будуць судзіць за "нямы мітынг"

На грамадскіх актывістаў склалі пратаколы "за ўдзел у мітынгу без слоў". Суд над імі адбудзецца 24 красавіка.

23.04.2014 Вярхоўны суд адмовіўся пакараць суддзю, які забараніў журналістам весці запіс

Вярхоўны суд Беларусі адмовіўся распачаць дысцыплінарную вытворчасць у дачыненні да суддзіАляксандра Якунчыхіна, які забараніў журналістам карыстацца дыктафонамі падчас разгляду адміністратыўнай справы.

23.04.2014 Гродна: забаронены пікеты на чарнобыльскія ўгодкі

Сябры Гродзенскай Рады Партыі БНФ Вадзім Саранчукоў і Мікола Лемяноўскі атрымалі з гарвыканкаму афіцыйныя адмовы ў правядзенні інфармацыйных пікетаў. Дзве заяўкі падаваліся на 26-га красавіка – на дзень чарговых угодкаў чарнобыльскай катастрофы.

23.04.2014 Эштан асудзіла расстрэл Селюна

Вярхоўны прадстаўнік Эўразьвязу ў замежных справах Кэтрын Эштан рашуча асудзіла выкананьне сьмяротнага прысуду ў дачыненьні да Паўла Селюна. Пра гэта гаворыцца ў паведамленьні прэс-службы кіраўніка дыпляматыі ЭЗ.

23.04.2014 Затрымалі Ільлю Дабратвора

У Менску 22 красавіка затрымалі актывіста Ільлю Дабратвора. Яго вінавацяць у непадпарадкаваньні супрацоўнікам міліцыі, на 23 красавіка прызначаны суд. Пра гэта карэспандэнту Свабоды паведаміў актывіст Алег Корбан.

22.04.2014 Пасля прыезду ў Мінск Міхась Кукабака завітаў у «Вясну» і наведаў Курапаты (фота)

22 красавіка вядомы дысідэнт, праваабаронца і публіцыст Міхась Кукабака прыехаў у Беларусь - на роднай зямлі ён не быў 15 гадоў.

22.04.2014 Асуджаны да арышту Максім Вінярскі абвясціў сухую галадоўку

Суд Фрунзенскага раёна Менска вынес рашэнне Максіму Вінярскаму - 12 сутак арышту. Актывісту, у якога вострая ангіна, у судзе стала дрэнна. Медыкі "хуткай дапамогі" сказалі, што яму неабходна гаспіталізацыя, аднак міліцыянты запрацівіліся - ён паедзе на Акрэсціна. У адказ на гэта актывіст у судзе абвясціў сухую галадоўку.