Праваабарончы цэнтр «ВЯСНА»

Навіны за 3 чэрвеня 2011

03.06.2011 Суд стаў на бок пракуратуры і не задаволіў скаргу Алеся Бяляцкага

Старшыня Праваабарончага цэнтру «Вясна», віцэ-прэзідэнт Міжнароднай фэдэрацыі правоў чалавека (FIDH) Алесь Бяляцкі намагаўся праз суд адмяніць папярэджанне Генпракуратуры, вынесенае яму за дзейнасць ад імя незарэгістраванай арганізацыі (арт. 193.1 КК РБ) 16 лютага. Аднак намеснік старшыні Цэнтральнага райсуду сталіцы Сямак А.М не пагадзілася з довадамі праваабаронцы і ягонага грамадзкага прадстаўніка Алега Гулака, старшыні БХК, і стала на бок пракуратуры, якая дзейнічала на запыт Мінюсту.

03.06.2011 Дзмітрый Няфёдаў дапытваецца па справе падпалу Дома правасуддзя

На кватэры актывіста Дзмітрыя Няфёдава ў Менску супрацоўнікамі міліцыі на чале са следчым Хаменкам праведзены ператрус. Удзень Дзмітрый быў выкліканы на допыт па справе падпалу Дома Правасуддзя ў Менску.

03.06.2011 ДАІ не спадабалася бел-чырвона-белая стужка

Віцебскага актывіста, прадстаўніка віцебскага моладзевага руху “Вольны шлях” Аляксандра Кузняцова выклікаюць на камісію за парушэнне правілаў паркоўкі. Супрацоўнікам ДАІ не спадабалася, што за лабавым шклом прычэплена бел-чырвона-белая стужка і значок “Жыве Беларусь!”

03.06.2011 Газета гарвыканкама знайшла вінаватых

У апошнім нумары гарвыканкамаўская газета “Бабруйскае жыццё” нарэшце знайшла вінаватых у крызісе, які абрынуўся на нашу краіну. Па меркаванні аўтара артыкула “Откуда гвалт?” Аляксандра Цімафеева, ва ўсім вінаватыя СМІ і "пятая калона".

03.06.2011 Рагачоўскаму апазіцыянеру абяцаюць зменшыць штрафы, калі ён кіне займацца палітыкай

Актывіст аргкамітэта па стварэнні БХД Дзяніс Дашкевіч мае свой бізнес і сцвярджае, што ім часцей пачалі цікавіцца супрацоўнікі падатковай інспекцыі і фінансавай міліцыі. Нядаўна выпісалі некалькі штрафаў. «Парушэнні сапраўды былі, я вінаваты. Але цікава, што мяне папярэдзілі: маўляў, калі кінеш займацца палітыкай, штрафы зменшым»

03.06.2011 Праваабаронца Алесь Бяляцкі абскардзіць папярэджаньне Генпракуратуры ў судзе (дапоўнена)

Папярэджаньне Генеральнай пракуратуры старшыні Праваабарончага цэнтру “Вясна”, віцэ-прэзідэнту Міжнароднай федэрацыі правоў чалавека (FIDH) Алесю Бяляцкаму будзе абскарджана у судзе Цэнтральнага раёна Менска 3 чэрвеня. Пачатак у 15-30. Суддзя Алена Сямак.

03.06.2011 Барысаўскія дэмактывісты будуць дамагацца будаўніцтва падземных пераходаў

Ініцыятыўная група, якая складаецца з мясцовых дэмакратычна настроеных актывістаў, задалася мэтай дамагацца будаўніцтва падземных пераходаў праз самую ажыўленую вуліцу горада Барысава.

03.06.2011 Судовае рэха Плошчы: Вярхоўны суд прызнаў правамоцным арышт Таццяны Шамбалавай

Актывістка патрабавала адмены рашэння Мінскага гарадскога суда і новага разгляду яе скаргі новым суддзёй. Да гэтага суд Завадскога раёна Мінска асудзіў Таццяну Шамбалаву на 10 сутак адміністрацыйнага арышту за ўдзел у акцыі пратэста 19 снежня 2010 года.

03.06.2011 У Магілёве да правядзення “Марша свабоды” далучылася “Народная Грамада”

Моладзевае крыло аргкамітэта Беларускай сацыял-дэмакратычнай партыі “Народная Грамада” падтрымала ідэю мясцовай філіі “Маладога Фронта” па правядзенні “Марша Свабоды” у Магілёве 28 чэрвеня, на Дзень Горада.

03.06.2011 Саньнікава накіруюць у Наваполацкую калёнію

Для былога кандыдата ў прэзыдэнты Андрэя Саньнікава, які знаходзіцца ў СІЗА МУС, вызначылі Наваполацкую калёнію N10, паведаміла агенцтву "Інтэрфакс" адвакат Саньнікава Марына Кавалеўская.

03.06.2011 Ператрус у жодзінскай царкве

У Жодзіне ўлады правялі ператрус у суполцы вернікаў, якія намагаюцца зрэгістраваць у горадзе царкву "Дом Божы". Апошняя праверка ладзілася нібыта з прычыны таго, што ў царкве знаходзіўся злачынца.

03.06.2011 Праваабаронца падаў на Life:) у суд за блакаванне апазіцыйных сайтаў

Нагодай стала інфармацыя, што 3G life блакуе доступ да сайтаў charter97.org, belaruspartisan.org і prokopovi.ch. Мацкевіч, як паведамляе Belarda.org, накіраваў у "БеСТ" запыт, чаму фірма пайшла на такую меру.

03.06.2011 "Народная Воля" змагаецца і перамагае

2 чэрвеня "Народная Воля" абскарджвала вызначэньне Вышэйшага гаспадарчага суду ад 27 красавіка — аб прыняцьці да разгляду пазову Міністэрства інфармацыі наконт закрыцьця выданьня. У выніку суд прыбраў некаторыя тэндэнцыйныя фармулёўкі, але пазоў Мінінфарму будзе разглядаць менавіта гэта судовая інстанцыя – Вышэйшы гаспадарчы суд.

03.06.2011 Незнаёмыя хлопцы дапамаглі сям’і палітвязня

У Барысаве, падобна, дапамагаць сям’і палітвязня Аляксандра Малчанава становіцца проста правілам добрага тону. Так, на днях у доме бацькоў Сашы з’явіліся незвычайныя госці.

03.06.2011 Салігорскім актывістам пачалі вяртаць тэхніку

Хваля вяртання вынятай спецслужбамі тэхнікі паступова дакацілася і да Салігорску. Сярод першых шчасліўчыкаў апынуліся мясцовыя прадстаўнікі апазіцыі Павел Батуеў і Ларыса Насановіч.