Праваабарончы цэнтр «ВЯСНА»

Навіны за 13 чэрвеня 2011

13.06.2011 Затрыманых у “Брузгах” усё ж асудзілі да штрафаў

Яшчэ з раніцы ў судзе Гродзенскага раёну журналістам сцвярджалі, што суды 13 чэрвеня не адбудуцца. Пазней стала вядома, што 14 затрыманых пакаралі грашовым штрафам у памеры 2 мільёны 600 тысяч кожнага. Па словах некаторых з удзельнікаў страйку на мяжы, усіх затрыманых моцна збілі.

13.06.2011 Падтрымаем вязьняў!

Сябры, нашыя лісты ў няволю могуць стаць значнай падтрымкай для палітвязняў, незаконна асуджаных па крымінальных справах па снежаньскіх падзеях у Менску. Таксама ў месцах пазбаўлення волі зараз знаходзяцца асуджаныя фігуранты "справы анархістаў".

13.06.2011 Двое з асуджаных анархістаў накіраваныя ў папраўчыя калоніі

Двое з асуджаных анархістаў накіраваныя для адбыцця пакарання ў папраўчыя калоніі, а адзін знаходзіцца ў СІЗА на Валадарскага ў чаканні этапа. Мікалай Дзядок накіраваны ў папраўчыю калонію № 15 у Магілёве, а Аляксандар Францкевіч знаходзіцца ў калоніі “Воўчыя норы” у Івацэвічах.

13.06.2011 Журналіст уздымае праблему выкарыстання беларускай мовы работнікамі дзяржаўных органаў

Журналіст Уладзімір Лапцэвіч у сваіх зваротах да кіраўніцтва Упраўлення ўнутраных справаў і Упраўлення юстыцыі звяртае ўвагу на адмову работнікаў дзяржаўных органаў выкарыстоўваць беларускую мову падчас выканання імі сваіх службовых абавязкаў.

13.06.2011 Брэсцкім сацыял-дэмакратам адмоўлена ў дазволе на пікеты

Валянцін Лазарэнкаў атрымаў адмову з Брэсцкага гарвыканкама на правядзенне пікета 17 чэрвеня, скіраванага супраць збяднення. Пікет планавалася правесці на пешаходнай дарожцы каля рынка “Лагуна” у мікрараёне Кавалёўка. Прычына адмовы – акцыя замоўлена не ў вызначаным уладамі месцы.

13.06.2011 Тыднёвы агляд паслявыбарчай сітуацыі ў Беларусі (6-12 чэрвеня)

На агульную сумму больш за 3 млн. бел. руб. аштрафаваныя ўдзельнікі акцыі пратэсту “Стоп бензін”. 12 чэрвеня на памежным пераходзе “Брузгі” гарадзенскі спецназ жорстка разагнаў стыхійны мітынг кіроўцаў. Праваабаронцы патрабуюць спыніць жорсткае абыходжанне і катаванні ў дачыненні да палітвязня Мікіты Ліхавіда. Канчаткова апраўданы прадпрымальнік, сябра Нацыянальнай Рады АГП Андрэй Бандарэнка. Падчас Вроцлаўскага Глабальнага Форуму беларускія дэмакратычныя арганізацыі БАЖ, ПЦ “Вясна” і “Свабодны тэатр” уганараваныя Прэміяй Свабоды.

13.06.2011 Перад судом паўстануць 14 чалавек

У іх дачыненні складзеныя адміністрацыйныя пратаколы па артыкуле 23.04 (непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў) і артыкуле 23.34 (парушэнне парадку арганізацыі або правядзення масавага мерапрыемства або пікетавання) КаАП.

13.06.2011 Суды над кіроўцамі, затрыманымі ў “Брузгах”, пакуль адкладаюцца

Суды над затрыманымі ўчора, 12 чэрвеня, кіроўцамі пад час страйку на памежным пераходзе “Брузгі”, пакуль адкладаюцца. Справа ў тым, што ў Гродзенскім раённым судзе не аказалася сёння суддзяў – паводле атрыманай інфармацыі ўсе яны знаходзяцца на розных выязных паседжаннях. Паводле папярэдніх звестак, учора ў Брузгах АМАПам былі затрыманыя 15 чалавек.

13.06.2011 Выканкам выбарча прапагандуе грамадскія арганізацыі

Даволі дзіўна выглядаюць спісы грамадскіх арганізацый, размешчаныя на сайце Барысаўскага раённага выканаўчага камітэта. З 71 ГА і арганізацыйных структур, зарэгістраваных у рэгіёне, у выканкамаўскі спіс увайшлі толькі пяць.

13.06.2011 Затрыманых у Брузгах будуць судзіць у Гродзенскім раённым судзе сёння

Як паведамілі «Нашай Ніве» у РАУС Кастрычніцкага раёна Гродна, усе затрыманыя падчас акцыі пратэсту 12 чэрвеня на пункту пропуску Брузгі знаходзяцца ў Ізалятары часовага ўтрымання. Чакаюць, калі за людзьмі прыедзе машына, якая адвязе іх у суд.

13.06.2011 Вайсковая пракуратура правярае заявы пра катаваньні ў КДБ

10 чэрвеня жонку палітвязьня Алеся Атрошчанкава Дар'ю Корсак выклікалі ў вайсковую пракуратуру для дачы паказаньняў адносна вядомых ёй фактаў катаваньняў у КДБ.

13.06.2011 На памежным пераходзе Брузгі разагналі мітынг кіроўцаў

Яны пратэставалі супраць новых парадкаў на мытні. Паводле неафіцыйнай інфармацыі, быў ужыты слёзацечны газ, ёсць затрыманыя.

13.06.2011 Салігорцы выходзяць на плошчу, нягледзячы на пераслед

Сацыяльная сетка “УКантакце” зноў сабрала салігорцаў на цэнтральнай плошчы гораду. У нядзелю, 12 чэрвеня, каля пяцідзесяці жыхароў Салігорску прынялі ўдзел у сустрэчы “Рэвалюцыя праз сацыяльныя сеткі”.

13.06.2011 Зміцеру Салаўёву відэакамеру так і не вярнулі

Супрацоўнікі КДБ да гэтага часу не вярнулі відэакамеру старшыні Магілёўскай абласной арганізацыі Руху БНФ “Адраджэнне” Зміцеру Салаўёву. Яна была канфіскаваная супрацоўнікамі КДБ яшчэ 15 студзеня падчас правядзення ператрусу.

13.06.2011 Рэгіянальныя СМІ не выкарыстоўваюць слова “крызіс”

Да апошняга моманту ні смаргонскі “Светлы шлях”, ні “Маладзечанская газета” упарта наогул не заўважалі сітуацыі, якая склалася ў краіне. І толькі ў апошніх нумарах з’явіліся артыкулы, прысвечаныя “эканамічнай сітуацыі” і “эканамічным рэаліям” (відаць, слова “крызіс” выкарыстоўваць забаронена).