Праваабарончы цэнтр «ВЯСНА»

Навіны за 6 сьнежня 2011

06.12.2011 Бялыніцкая пракуратура цікавілася дзейнасцю эксперта Amnesty International

Следчых цікавіла не расследванне нашумелай “машчаніцкай справы”, а падрабязнасці сустрэчы былых падазраваных і іх сваякоў з экспертам праваабарончай арганізацыі Amnesty International па Беларусі Хэзай Макгіл, якая адбылася яшчэ ў 2008 годзе.

06.12.2011 Анжаліка Камбалава напісала скаргу начальніку глыбокскай калоніі

Старшыня баранавіцкай гарадской арганізацыі АГП Анжаліка Камбалава напісала скаргу начальніку калоніі № 13 г. Глыбокае, бо абураная тым, што там не прынялі яе пасылку для Зміцера Дашкевіча, паколькі яна не з'яўляецца сваячкай палітвязня.

06.12.2011 У Віцебску суд за Народны сход скончыўся штрафамі

Ірыне Яскевіч прысуджаны штраф памерам 770 тысяч рублёў. Таццяна Севярынец, з улікам таго, што прыцягваецца да адказнасці за падобнае правапарушэнне ўжо паўторна, штраф прысуджаны большы – 875 тысяч рублёў. Абедзьве спадарыні з пастановай суду не згодныя і збіраюцца абскардзіць яе ў Віцебскім абласным судзе.

06.12.2011 Пацыент Багушэўскага “сухотнага” шпіталю гатовы пайсці на смерць замест “віцебскіх тэрарыстаў”

Свой зварот інвалід другой групы Валер Ганчарэнка накіраваў і да Аляксандра Лукашэнкі. У ім спадар Ганчарэнка разважае пра тое, што мае смяротную хваробу, і таму не шкадуе свайго жыцця і гатовы, каб яго расстралялі замест асуджаных за тэрарызм, бо не верыць у справядлівасць прысуду.

06.12.2011 Шматдзетная маці ў цэнтры Мінску пратэставала супраць смяротнай кары

Своеасаблівы перфоманс зладзіла шматдзетная маці Таццяна Гацура разам з двума сваімі сынамі.

06.12.2011 Брэст: суддзя патлумачыў, чаму справы разглядаюцца ў закрытым рэжыме

“Судовае паседжанне можа быць настолькі адкрытым, наколькі ў памяшканні хапае крэслаў” – такі адказ на сваю скаргу, накіраваную ў суд Ленінскага раёна Брэста, атрымалі мясцовыя праваабаронцы і актывісты грамадскіх арганіцый.

06.12.2011 Берасьце: пракуратура папярэдзіла Зінаіду Міхнюк

Кіраўніцы берасьцейскага аддзяленьня прафсаюзу РЭП Зінаідзе Міхнюк вынесена афіцыйнае папярэджаньне пракуратурай за заплянаваны на 10 сьнежня мітынг.

06.12.2011 У Менску палююць на нацболаў (абноўлена)

Пасьля складаньня пратакола па арт. 17.1 КаАП РБ ("Дробнае хуліганства") непаўнагадовага Уладзіслава Лобава змог забраць з пастарунку айчым. Яўгена Контуша судзяць у судзе Першамайскага раёна Мінска. Паседжаньне перанесенае на 14 гадзін 8 сьнежня.

06.12.2011 Праваабарончая праграма “Людзьмі звацца!” на Радыё Рацыя

У “Падзеі тыдня” - рэакцыя грамадскасьці і праваабарончай супольнасьці на сьмяротны вырак Уладзіславу Кавалёву і Дзьмітрыю Канавалаву. У “Праваабарончым календары” – Дзень правоў чалавека, які сьвяткуюць ва ўсім сьвеце 10 сьнежня.

06.12.2011 Барысаў: Пікет у Дзень правоў чалавека забаронены

У Барысаве праваабаронцы Алег Мацкевіч і Марына Статкевіч 5 снежня атрымалі ад райвыканкама адмову ў правядзенні пікету, прымеркаванага да 63-яй гадавіны прыняцця Усеагульнай дэкларацыі правоў чалавека ААН. Прычына адмовы чыноўнікаў – фармальная адпіска.

06.12.2011 Хілары Клінтан: Правы чалавека ў Беларусі працягваюць парушаць

У Беларусі працягваюць парушаць правы чалавека, заявіла дзяржсакратар ЗША Хілары Клінтан 6 снежня на 18-й сесіі Савета міністраў АБСЕ ў Вільнюсе.

06.12.2011 Магілёўскі абласны суд не апраўдаў удзельніка Народнага сходу

6 снежня Магілёўскі абласны суд разгледзеў скаргу кіраўніка абласной арганізацыі АГП Уладзіміра Шанцава. Палітык абскарджваў рашэнне Ленінскага раённага суду аб вынясенні яму штрафу ў памеры 1,4 мільёны рублёў за арганізацыю Народнага сходу ў Магілёве 8 кастрычніка.

06.12.2011 У Брэсце зноў абскарждваюць рашэнне пра забарону пікетаў

У Брэсцкі абласны суд накіравана скарга грамадскіх актывістаў, якія спрабуюць аспрэчыць адмову ўладаў абласнога цэнтру, якія не далі дазвол на правядзенне пікетаў у падтрымку патізняволеных.

06.12.2011 У Магілёве ў акцыі "Стоп-бензін" удзельнічаў адзін чалавек

ДАІ ўбачыла падазроную машыну, якая ехала з уключанай аварыйнай сігналізацыяй, і прыпыніла яе каля плошчы Леніна. На машыне была налепка "Мы супраць узвышэння коштаў на паліва". Кіроўца быў аштрафаваны. На яго адразу было складзена тры пратаколы.

06.12.2011 Пацярпелы за мову Андрэй Падаляк абскардзіў судовае рашэнне

Адпаведную скаргу актывіст бабруйскай моладзі БНФ падаў у Магілёўскі абласны суд. Хлопец не згодны з пастановай суду, бо лічыць, што выснова суду не адпавядае рэчаіснасці. Паводле актывіста, ён гучна размаўляў па-беларуску па мабільным тэлефоне на прыпынку, чым і прыцягнуў увагу міліцыянтаў.