Праваабарончы цэнтр «ВЯСНА»

Навіны за 7 сьнежня 2012

07.12.2012 Міжнародны марафон падтрымкі Алеся Бяляцкага (фота, відэа)

Глабальную акцыю ў падтрымку палітвязня распачала праваабарончая арганізацыя Amnesty International. Міжнародны марафон па напісанні лістоў пройдзе з 7 па 16 снежня пад лозунгам “Пішам за правы! Даможамся пераменаў!”.

07.12.2012 «Ляпіс Трубяцкой» выступіць у падтрымку Алеся Бяляцкага

Падчас канцэрту «Ляпісаў» у Маскве 30 снежня будзе праходзіць акцыя Amnesty International у абарону беларускага праваабаронцы Алеся Бяляцкага і яшчэ 4 чалавек з Судана, Ірана, Тайваня і ЗША. Гэтая акцыя адбудзецца ў межах Міжнароднага марафону па напісанні лістоў Amnesty International, у якім удзельнічаюць дзясяткі тысяч людзей ва ўсім свеце.

07.12.2012 Сябра партыі “Справядлівы свет” асудзілі на тры гады пазбаўлення волі з адтэрміноўкай

Жлобінскі раённы суд вынес прысуд сябру партыі “Справядлівы свет” Яўгену Басарэўскаму. 66-гадоваму актывісту прызначылі тры гады пазбаўлення волі з адтэрміноўкай на два гады. Агулам суд над Яўгенам Басарэўскім ішоў з 2010 года, калі актывіст спрабаваў вылучыцца ад партыі “Справядлівы свет” у якасці кандыдата ў дэпутаты на выбарах у мясцовыя Саветы.

07.12.2012 Гарадзенскі суд не аднавіў на працы звольненага выкладчыка Андрэя Чарнякевіча

7 снежня ў Гародні ў судзе Ленінскага раёну завяршыўся працэс па грамадзянскай справе гісторыка Андрэя Чарнякевіча. У кастрычніку бягучага году дацэнт Гарадзенскага дзяржаўнага ўніверсітэту імя Янкі Купалы Андрэй Чарнякевіч быў звольнены з працы выкладчыка нібыта за парушэнне працоўнай дысцыпліны.

07.12.2012 У Віцебску 10 снежня плануецца публічная лекцыя пра правы чалавека

Такое мерапрыемства будзе праводзіцца тут упершыню. Тэма лекцыі "Усеагульная дэкларацыя правоў чалавека. Як выконваюцца палажэнні Дэкларацыі ў Беларусі". Імпрэза адбудзецца ў 13 гадзін у Парку культуры і адпачынку чыгуначнкаў.

07.12.2012 Чыноўнікі спрабуюць пераканаць, што Паўлавічы спалілі законна (фота спаленай вёскі)

У лексіцы мясцовых уладаў з'явіліся новыя замежныя словы: "сквотэры", "рэкультывацыя" і "брыфінг". На брыфінгу, скліканым для прадстаўнікоў дзяржаўных СМІ, і было заяўлена, што насельнікі Паўлавічаў – "сквотэры", бо захапілі тое, што ім не належыць. А руйнаванне і падпал дзевяці хат, вырубка дрэваў і закопванне ў зямлю абгарэлай цэглы і дошак – гэта "рэкультывацыя".

07.12.2012 У Брэсце прэзентавалі кнігу, прысвечаную бяспецы журналісцкай працы (фота)

У кнізе разгледжаны практычныя і юрыдычныя аспекты журналісцкай бяспекі, прыведзены парады спецыялістаў у галіне права і псіхалогіі, а таксама высновы саміх журналістаў, якія тычацца выпадкаў, калі ўзнікаюць небяспечныя сітуацыі.

07.12.2012 Мерапрыемствы ў Дзень правоў чалавека

У панядзелак, 10 сьнежня, праваабаронцы арганізуюць круглы стол "Правы чалавека ў Беларусі. Вынікі 2012 года", адбудзецца адкрыцьцё мастацкай выставы да чарговай гадавіны прыняцьця Усеагульнай дэкларацыі правоў чалавека, будуць падведзеныя вынікі конкурсу hand-made вырабаў на праваабарончую тэматыку.

07.12.2012 Васіль Парфянкоў не разлічвае на ўмоўна-датэрміновае вызваленне

Пра гэта ён паведамляе ў лісце сваёй знаёмай Вользе Гулецкай.

07.12.2012 Дзяцей Надзеі Дударэнкі расфарміроўваюць па іншых сем’ях

Паводле словаў Надзеі Дударэнкі, чыноўнікі па тэлефоне сказалі, каб яна загадала дзецям ісці ў іншыя прыёмныя сем’і. Але жанчына спадзяецца, што хто-небудзь з супрацоўнікаў сістэмы адукацыі адгукнецца на дзіцячы боль і яе выхаванцы вернуцца ў сям’ю.

07.12.2012 Бабруйскія сябры АГП падалі заявы на правядзенне пікетаў 19 снежня

Старшыня бабруйскай суполкі АГП Віктар Бузінаеў і сябра гэтай жа партыі Мацвей Хатары падалі ў гарвыканкам дзве заяўкі на правядзенне пікетаў. "Гэтымі пікетамі мы хочам звярнуць увагу беларусаў на сітуацыю, якая склалася ў краіне. Плануецца, што яны пройдуць пад лозунгам “Скралі выбары, каб распрадаць краіну”.

07.12.2012 III Еўрапейскі кангрэс правоў чалавека абмеркаваў сітуацыю з дэмакратыяй у Беларусі

Праблемы захавання правоў чалавека і працэс дэмакратызацыі ва Усходняй Еўропе абмяркоўваліся на III Еўрапейскім кангрэсе правоў чалавека, які прайшоў 6 снежня ў Катавіцэ (Польшча). Мерапрыемства было арганізавана офісам еўрадэпутата Марэка Мігальскага (Польшча) і польскай асацыяцыяй "Праект Шлёнск".

07.12.2012 Бацькі загінулі. Дачку і сына высяляюць з кватэры

Жыхарка Менску Вера Мялешка, у якой на руках двухгадовая дачка і пад апекай непаўналетні брат, атрымала з суду рашэньне аб высяленьні яе з кватэры.

07.12.2012 Эксперты: ЦВК падганяе выбарчае заканадаўства пад інтарэсы ўлады

Выбарчы працэс у нашай краіне стане яшчэ больш ліберальным і дэмакратычным — у гэтым упэўнены сакратар Цэнтральнай камісіі Мікалай Лазавік. ЦВК ізноў мяняе выбарчае заканадаўства.

07.12.2012 На арганізатара «Славянскага маршу» ў Магілёве завялі справу

Арганізатар «Славянскага маршу» ў Магілёве Дзмітрый Дзенісенка 6 снежня быў выкліканы позвай у Ленінскі РАУС абласнога цэнтра. У дачыненні да яго распачаты адміністрацыйны працэс.