Праваабарончы цэнтр «ВЯСНА»

Навіны за 31 траўня 2013

31.05.2013 Жыхары Белаазёрску хочуць ведаць, куды выдаткоўваюцца бюджэтныя грошы

Сябры кампаніі “Гавары праўду” у Белаазёрску сабралі 120 подпісаў пад заявай, у якой адзначылі, што хочуць ведаць, куды выдаткоўваюцца бюджэтныя грошы. Актывісты таксама выказалі прэтэнзіі мясцовым дэпутатам, якія не сустракаюцца з народам і не робяць справадач.

31.05.2013 Магілёўскі раён: за зямлю агульнага карыстання будуць змагацца і ў касацыйнай інстанцыі

Паводле Дзмітрыя Яўстратава і жыхароў вёскі Нядашава-2, прычынай канфлікту стала тое, што зямлю агульнага карыстання перадалі ў пажыццёвае карыстанне фермеру Юрыю Коршунаву без правядзення грамадскіх слуханняў і ўліку грамадскай думкі жыхароў вёскі.

31.05.2013 Салігорск: Касацыйная скарга на забарону пікету да Дня Волі будзе разгледжана 20 чэрвеня

Суд Салігорскага раёна накріаваў справу па скарзе Уладзіміра Шылы на забарону пікету да Дня Волі ў Мінскі абласны суд для разгляду ў касацыйным парадку. Слуханні па справе адбудуцца 20 чэрвеня ў 10 гадзін.

31.05.2013 Мінскі гарадскі суд пакінуў прысуд журналістам Барбарычу і Ярашэвічу ў сіле

Суддзя Мінскага гарадскога суда Валер Камісараў пакінуў абвінаваўчы прысуд журналістам, не заўважыўшы істотных парушэнняў у справах, паведамляе прэс-служба ГА «БАЖ». Апроч гэтага у часе касацыйнага працэсу журналістам забаранілі весці відэаздымку.

31.05.2013 Аляксандр Кузьмін з Белаазёрска абскарджвае папярэджанне па арт. 193.1 КК

Кузьмін просіць абласную пракуратуру адмяніць афіцыйнае папярэджанне, вынесенае пракурорам Бярозаўскага раёна Дзмітрыем Дзерабіным, паколькі справы па пэўных кампаніях у рамках “Гавары праўду” актывіст не адносіць да дзейнасці ад імя незарэгістраванай арганізацыі.

31.05.2013 У Магілёве суд не знайшоў таго, хто абазваў БСДП “бандай”

Сёння, 31 траўня, скончыўся судовы працэс, ініцыятарам якога была БСДП і яе сябра Мікалай Залозны. Пасля чатырох судовых пасяджэнняў суд Ленінскага раёна Магілёва ў асобе суддзі Андрэя Юрчанкі не здолеў устанавіць асобу, якая здзейсніла паклёп на адну з настарэйшых беларускіх партый.

31.05.2013 Алеся Бяляцкага караюць харчаваннем

Палітзняволены кіраўнік праваабарончай арганізацыі "Вясна" Алесь Бяляцкі па-ранейшаму працуе ў Бабруйскай калоніі №2 на вытворчасці. А ўвесь вольны час аддае творчай працы. Па словах яго жонкі Наталлі Пінчук, яна атрымала ад мужа ліст, датаваны 23 мая.

31.05.2013 Суадказчыкам па зыску гомельскага праваабаронцы выступіць ЦВК

30 траўня суддзя суда Цэнтральнага раёна Гомеля Марына Дамненка пры разглядзе зыску праваабаронцы Леаніда Судаленкі да дзяржаўнай казны прыцягнула ў якасці суадказчыка Цэнтральную выбарчую камісію. Чарговае паседжанне пройдзе 4 чэрвеня.

31.05.2013 Да Паўла Вінаградава не дапусцілі адваката (дадаецца)

Да актывіста Паўла Вінаградава, які беспадстаўна ўтрымліваецца ў Маскоўскім РУУСе Менска, супрацоўнікі міліцыі не дапусцілі адваката, паведаміўшы яму, што Павал не затрыманы, і таму паслугі абаронцы не патрэбныя.

31.05.2013 Прызначаны суд па справе Андрэя Гайдукова

Паседжанне адбудзецца 12 чэрвеня ў 10.00 у Віцебскім абласным судзе. Справу будзе разглядаць суддзя Галіна Урбановіч.

31.05.2013 Віцебскія актывісты добраўпарадкавалі самаробны мемарыял (фота)

Сябры Партыі БНФ сабраліся на ўзлеску каля вёскі Паляі Віцебскага раёну. Тут у 1930-50 гады адбываліся сталінскія расстрэлы мірных грамадзянаў. Мясцовыя ўлады адмаўляюцца паставіць у гэтых мясцінах памятны знак, хаця пра трагічныя падзеі многія тутэйшыя жыхары яшчэ памятаюць і могуць іх засведчыць.

31.05.2013 Суд па справе Гайдукова будзе закрытым

Суд па справе Андрэя Гайдукова, які абвінавачваецца ў здрадзе дзяржаве, будзе закрытым, паведаміў журналістам 30 траўня старшыня Камітэта дзяржаўнай бяспекі Беларусі Валерый Вакульчык.

31.05.2013 Без свабоды ў беларускіх ВНУ няма еўрапейскай будучыні

Беларусь заявіла аб рашучым намеры ўступіць у Балонскі працэс. Але ва ўладаў, грамадзянскай супольнасці і еўрапейскіх партнёраў рознае разуменне, як гэта мае адбывацца. Дасягнуць кампрамісу ў пытаннях рэфармавання вышэйшай адукацыі магла б дапамагчы ініцыятыва «Еўрапейскі дыялог аб мадэрнізацыі c Беларуссю».

31.05.2013 Праваабаронцы просяць старшыню Брэсцкага аблвыканкаму абараніць цыган ад дыскрымінацыі

Заяўнікі звяртаюць увагу, што ў газеце «Навіны Палесся» 23 мая надрукаваны артыкул «Цыганы не дрэмлюць – не спіце і вы», які, па меркаванні праваабаронцаў, узбуджае ў чытачоў недавер да асоб цыганскай нацыянальнасці.

31.05.2013 Ігар Аліневіч меў кароткатэрміновае спатканне з бацькамі

Палітвязень Ігар Аліневіч сустрэўся са сваімі бацькамі. Адміністрацыя Наваполацкай калоніі дазволіла яму кароткатэрміновае спатканне. Пра гэта Рацыі паведаміла маці зняволенага грамадскага актывіста Валянціна Аліневіч.