Праваабарончы цэнтр «ВЯСНА»

Навіны за Красавік 2014

04.04.2014 Мінгарсуд не задаволіў касацыйную скаргу актывіста АГП Бабілы

17 сакавіка ў судзе Савецкага раёна суддзя Якубоўскі прызнаў Міхаіла Бабілу вінаватым і пакараў 10 суткамі арышту. Прычына затрымання і зняволення - удзел у перадвыбарчым пікеце ла Камароўкі.

04.04.2014 Экс-кандыдат скардзіцца ў ЦВК на ігнараванне ягоных скаргаў

Валерый Каранкевіч 4 красавіка падаў скаргу ў Цэнтрвыбаркам. Ён скардзіцца на тое, што Хоцімскія раённая, акруговая і Магілёўская абласная выбарчыя камісіі па выбарах дэпутатаў мясцовых Саветаў так і не далі адказаў на яго скаргі.

04.04.2014 Гродна: журналіст Алесь Дзянісаў аштрафаваны на 30 базавых велічынь

Гарадзенская міліцыя абвінаваціла Алеся Дзянісава ў парушэнні часткі 2 артыкулу 22.9 КаАП – незаконны выраб і распаўсюд інфармацыі. 6 лютага журналіст запісаў відэаматэрыял, які пазней выкарыстаў спадарожнікавы тэлеканал “Белсат” у адным з выпускаў сваіх навін.

04.04.2014 Бабруйск: Справу закрылі, па сутнасці скаргі не адказалі

Бабруйская незалежная журналістка Марына Малчанава атрымала ліст з пракуратуры, у адказ на сваю заяву. З яе бабруйчанка даведалася, што адміністрацыйная справа супраць яе закрыта. Нагадаем, пасля асвятлення антываеннага пікета, журналістку выклікалі ў міліцыю.

04.04.2014 Бабруйскі суд зноў аштрафаваў блогера Жалнова

Разгляд адміністратыўнай справы адбыўся 3 красавіка. Суддзя Бабруйскага раённага суда Наталля Чарапуха прызнала яго вінаватым у парушэнні артыкула 23.4 КаАП – «Непадпарадкаванне законнаму распараджэнню ці патрабаванню службовай асобы пры выкананні службовых паўнамоцтваў».

04.04.2014 Улады ігнаруюць зварот таксістаў

Чатыры месяцы беларускія таксісты чакаюць адказу на свой зварот ад Міністэрства транспарту. Таксісты патрабавалі не прымаць указ, які вымагае ад іх набыцця новых аўтамабіляў мясцовай зборкі.

04.04.2014 Незалежнага журналіста Максіма Хлябца выклікаюць у міліцыю сведкам

Чарговага незалежнага журналіста з Берасця выклікаюць у міліцыю. Як распавёў Максім Хлябец, яму спярша патэлефанавалі і “запрасілі” ў Ленінскі РАУС па "некаторых пытаннях". Журналіст адмовіўся і папрасіў даслаць позву.

04.04.2014 За салідарнасць з Украінай – месяц “псіхушкі”

27 сакавіка з Рэспубліканскага цэнтру псіхічнага задароўя, вядомага як “Навінкі”, быў выпісаны жыхар горада Жодзіна Андрэй К. У псіхіятрычны шпіталі ён правёў роўна месяц. Падставаю для змяшчэння ў псіхіятрычны шпіталь паслужыла… жоўта-блакітная стужка, якую ён прывёз украінскага Майдану.

04.04.2014 Міжнародныя праваабаронцы: Журналісты мусяць сведчыць пра тое, што адбываецца ў Беларусі

Роберт Хорд, выканаўчы дырэктар Civil Rights Defenders, Майна Кіаі, спецдакладчык ААН па свабодзе сходаў і асацыяцыяў, і Маргарэт Секагія, спецдакладчык ААН па становішчы праваабаронцаў, звярнуліся да журналістаў у межах канферэнцыі “Дні праваабаронцаў”, якая праходзіць у Стакгольме: “Кожны журналіст, які прыязджае ў такую аўтарытарную краіну, як Беларусь, мусіць быць абавязаны стаць на абарону свабоды слова і паведамляць пра парушэнні правоў чалавека ў краіне”.

04.04.2014 За ўкраінскія стужкі зноў затрымлівалі Славаміра Адамовіча

На пачатку шостай гадзіны дня 3 красавіка паэт Славамір Адамовіч пасьпеў паведаміць праз тэлефон карэспандэнту Свабоды, што яго затрымліваюць міліцыянты на Кастрычніцкай плошчы Менску.

03.04.2014 Георгія Станкевіча аштрафавалі на 50 базавых велічынь паводле "ананімкі"

Цікава, што ў "ананімцы" не было ні слова пра "самвыдатаўскую" газету "Крывінка”, якую настаўнік, паэт і бард з Бешанковіцкага раёну выдае ўжо восьмы год. Але мясцовай міліцыі было дадзена даручэнне "разабрацца", і яна разабралася – абвінаваціла рэдактара і выдаўца ў парушэнні заканадаўства аб СМІ.

03.04.2014 Паліцыя Прагі: беларускі сьцяг забаронены

Беларускі палітуцекач Аляксей Шыдлоўскі атрымаў адказ з паліцыі з нагоды інцыдэнту 28 лютага на хакейным матчы КХЛ паміж камандамі «Леў» (Прага) і «Дынама» (Менск), калі ахова спартовай арэны забараніла бел-чырвона-белы сьцяг і зьбіла заўзятара.

03.04.2014 Праваабаронцаў асудзілі за фота з украінскім сцягам

Фатаграфаванне з беларускім і украінскім сцягам гродзенская міліцыя прыраўняла да несанкцыянаванага масавага мерапрыемства. Суд Ленінскага раёна пакараў Віктара Сазонава, Уладзіміра Хільмановіча і Рамана Юргеля пакараў штрафамі ў памеры 25 базавых велічынь Суддзя - Наталля Козел.

03.04.2014 Гарадзенскія актывісты паспрабуюць рэалізаваць працэдуру адклікання дэпутата

Гарадзенскія актывісты ўжо напрацягу некалькіх месяцаў вядуць ліставанне, каб даведацца пазіцыю дэпутата ад Гародні па аўтамабільным падатку. Былая рэдактарка “Гродзенскай праўды” Алена Бераснева з’яўляецца дэпутатам па 49-ай акрузе, і менавіта да яе грамадскія актывісты звярнуліся з пытаннем, як галасавалі дэпутаты па так званым “аўтамабільным падатку”.

03.04.2014 Ян Дзяржаўцаў будзе аспрэчваць пакаранне ў судзе і пракуратуры

Актывіст Кансерватыўна-хрысьціянскай партыі БНФ Ян Дзяржаўцаў будзе скардзіцца ў пракуратуру ў сувязі з затрыманнем 25 сакавіка. Як паведаміў актывіст, у той дзень ў яго на руках была позва з’явіцца ў Першамайскі РАУС Віцебска ў 17 гадзінаў, і ён быў да гэтага падрыхтаваны.