Праваабарончы цэнтр «ВЯСНА»

Навіны за 23 студзеня 2012

23.01.2012 Разгляд касацыйнай скаргі Алеся Бяляцкага адбудзецца 24 студзеня

Касацыйная скарга Алеся Бяляцкага на прысуд суда Першамайскага раёна будзе разглядацца калегіяй суддзяў вышэйстаячай інстанцыі 24 студзеня. Пачатак – а 10-ай гадзіне. Менскі гарадскі суд знаходзіцца па адрасе: вул. Дуніна-Марцінкевіча, д. 1/3 (ст. м. "Спартыўная").

23.01.2012 Георгій Станкевіч абскарджвае штраф за "Крывінку"

Бешанковіцкі райсуд прысудзіў рэдактару і выдаўцу самвыдатаўскай газеты штраф памерам 1 400 000 рублёў за нібыта незаконны яе распаўсюд. Георгі Станкевіч падаў касацыйную скаргу ў Віцебскі абласны суд, дзе згадаў парушэнні падчас судовага працэсу.

23.01.2012 Барысаўскія партыйцы вырашылі назіраць за выбарамі

На прайшоўшым у мінулую нядзелю справаздачна-выбарным сходзе сябры Барысаўскай гарадской арганізацыі Аб'яднанай грамадзянскай партыі вырашылі арганізаваць назіранне за парламенцкімі выбарамі і далучыцца да байкоту.

23.01.2012 Дзяржаўныя СМІ праваабаронцам не адказалі

У снежні, напярэдадні Дня правоў чалавека, салігорскія праваабаронцы звярнуліся ў мясцовыя дзяржаўныя і недзяржаўныя медыі з прапановай стварэння адмысловых праваабарончых рубрык. Ініцыятыву большасць рэгіянальных СМІ Салігоршчыны праігнаравалі.

23.01.2012 У Оршы пададзены чатыры заяўкі на пікеты

Аршанскі гарадскі камітэт партыі левых «Справядлівы свет» падаў 4 заяўкі на правядзенне пікетаў у Оршы 28 студзеня. Як растлумачыў першы сакратар Аршанскага гаркама Мікалай Дзямідаў, мэтай пікетаў з'яўляецца пратэст супраць пагаршэння эканамічнага становішча насельніцтва, росту беднасці і галечы, які бачны няўзброеным вокам у апошнія месяцы.

23.01.2012 Падведзеныя вынікі 2011 году па стане са свабодай асацыяцыяў

23 студзеня спецыялісты Асамблеі НДА ды Цэнтру прававой трансфармацыі прэзентавалі маніторынг прававога стану няўрадавых арганізацыяў і свабоды асацыяцыі ў Беларусі за 2011 год. Пра вынікі маніторынгу распавялі юрыст Выканаўчага бюро Асамблеі НДА Юрый Чавусаў і дырэктар Цэнтру прававой трансфармацыі Вольга Смалянка.

23.01.2012 Гомельскія апазіцыянеры звярнуліся ў Канстытуцыйны суд

Заяўнікі звяртаюць увагу, што норма закону адносна правапарушэння, «за якое ў якасці спагнання прадугледжаны адміністрацыйны арышт ці дэпартацыя», не можа прымяняцца ў некаторых канкрэтных выпадках, паколькі санкцыі артыкулу 23.34 КаАП прадугледжваюць альтэрнатыўныя спагнанні, у дадзеным выпадку – штраф.

23.01.2012 БАЖ падрыхтаваў агляд “Парушэнні правоў журналістаў і СМІ ў 2011 г.”

Новы выпуск электроннага бюлетэню “СМІ ў Беларусі”, прысвечаны парушэнням правоў журналістаў цягам мінулага года, даступны ў pdf на беларускай, англійскай і рускай мовах у раздзеле “Маніторынгі”.

23.01.2012 У Калінкавіцкім раёне каля 400 чалавек займаюцца ідэалагічнай працай

Так, згодна інфармацыі Калінкавіцкага райвыканкама, у раёне дзейнічаюць 28 тэрытарыяльных інфармацыйна-прапагандысцкіх груп (235 чалавек), а таксама 28 галіновых ІПГ (153 чалавекі). Акрамя таго, дзейнічае і моладзевая ІПГ. Карацей, не менш за 388 чалавек уцягнуты ў працу па інфармаванню і прапагандзе насельніцтва.

23.01.2012 Падвышэнне камунальных коштаў для вязняў – мяжа выжывання

Вязняў Куплінскай камендатуры на Пружаншчыне папярэдзілі, што за студзень яны павінны будуць заплаціць камунальныя памерам 340 тысяч рублёў, у той час як у снежні кошт пражывання быў 160, а ў лістападзе – 40 тысяч рублёў. Гэта плата за месца ў пакойчыку 12 метраў на траіх і адсутнасць гарачай вады.

23.01.2012 Сітуацыю ў Беларусі абмяркуе сесія ПАСЕ, што адкрываецца ў Страсбургу

Беларускае пытанне ўваходзіць у парадак дня зімовай сесіі Парламенцкай асамблеі Савета Еўропы (ПАСЕ), якая акрываецца сёння ў Страсбургу.

23.01.2012 Брэсцкія актывісты Руху “За свабоду” судзяцца з выканкамам

На 24 студзеня прызначана паседжанне ў судзе Ленінскага раёна Брэста, якое тычыцца нежадання мясцовых уладаў паведаміць прадстаўнікам грамадскасці пра выкананне рашэння пра рэканструкцыю аднаго з гандлёвых аб’ектаў у цэнтры горада.

23.01.2012 У грамадскім жыцці Салігорску настаў “ледніковы перыяд”

Выказаць свае патрабаванні аб унясенні зменаў у Выбарчы кодэксе ды правядзенні свабодных парламенцкіх выбараў у 2012 годзе жыхары Салігорску не змогуць “у сувязі з працамі па заліўцы лёду на тэрыторыі стадыёна”. Менавіта такую прычыну амбежавання грамадзянскіх правоў пазначылі ў сваім адказе чыноўнікі салігорскага выканкаму.

23.01.2012 Абскарджанне па справе аб запаленых свечках прызначана на канец студзеня

Арцём Мархасёў, які за запаленыя ў Бабруйску на Дзяды свечкі быў пакараны штрафам на 700 тысяч беларускіх рублёў, атрымаў ліст з Магілёўскага абласнога суда. Бабруйчанін расказаў, што разгляд справы па яго скарзе прызначылі на 31 студзеня

23.01.2012 Узровень рэпрэсіяў у Беларусі – беспрэцэдэнтны

Пра гэта гаворыцца ў штогадовай справаздачы аб правах чалавека ў сьвеце, якую ў нядзелю, 22 студзеня абнародавала міжнародная праваабарончая арганізацыя Human Rights Watch.