Праваабарончы цэнтр «ВЯСНА»

Навіны за 6 красавіка 2010

06.04.2010 Уладзімір Мацкевіч: “Інфармацыйныя стэнды як археалагічны помнік дэмакратыі”

На некаторых сталічных інфармацыйных стэндах нарэшце з'явіліся плакаты з інфармацыяй пра тое, што… выбары будуць праходзіць 25 красавіка. Якія-небудзь іншыя звесткі на іх па-ранейшаму адсутнічаюць. Па меркаванні палітолага Ўладзіміра Мацкевіча, гэта робіцца адмыслова, каб паменшыць інфармацыйнае поле рэспублікі, што з'яўляецца нейкай заканамернасцю для Беларусі.

06.04.2010 У Гомелі прыватныя друкарні адмаўляюць незалежным кандыдатам

Як распавёў кандыдат у дэпутаты Гомельскага абласнога Савета, каардынатар ствараемай партыі БХД Святаслаў Шапавалаў, у адным з прыватных прадпрыемстваў яму паведамілі, што ёсць негалосны загад не тое што не друкаваць улёткі, а наогул не размаўляць з кандыдатамі, якія хочуць замовіць падобную прадукцыю.

06.04.2010 Мазыр: Дзярждрукарня адмовілася друкаваць агітматэрыялы апазіцыйнага кандыдата

Сёння, 6 красавіка, дырэктар Мазырскай дзяржаўнай друкарні РУП “Колор” С.В.Дылюк адмовіў кандыдату ў дэпутаты Гомельскага абласнога Савета дэпутатаў Уладзіміру Целяпуну ў друкаванні агітацыйных матэрыялаў. Сп. Дылюк патлумачыў адмову тым, што “такое он напечатать не может, иначе у него отнимут лицензию”.

06.04.2010 Салігорск: Незалежны кандыдат патрабуе роўных умоваў для агітацыі

Выданне выканаўчага камітэта апублікавала вялікае інтэрвью з Лідзіяй Клішэвіч, кандыдатам у дэпутаты на мясцовых выбарах. Журналісты цікавяцца ў цяперашняй старшыні дэпутацкага савета пра яе дасягненні на гэтай пасадзе, будучыя планы. Прачытаць пра дасягненні іншых кандыдатаў выбаршчыкі пакуль магчымасці не маюць.

06.04.2010 Бабруйск: У сваіх праграмах дэмакраты засяродзяцца на сацыяльных пытаннях

Бабруйскія прадстаўнікі дэмакратычных сілаў пачалі рыхтаваць пердвыбарчыя праграмы - нехта яшчэ толькі абдумвае, іншыя паспелі надрукаваць агітацыйныя матэрыялы. Але амаль усе кандыдаты збіраюцца ўздымаць у сваіх праграмах сацыяльныя пытанні, якія закрануць жыхароў іх акругаў.

06.04.2010 Полаччына: Агітуем на пальцах

У друкарні спасылаюцца на празмерную загружанасць, між тым як многія з афіцыйных кандыдатаў насуперак гэтай загружанасці свае матэрыялы ўжо маюць і распаўсюджваюць.

06.04.2010 Баранавічы: Віктар Цяпін працягвае змагацца за праўду

Як мы паведамлялі раней, баранавіцкі сябра партыі “Справядлівы свет” Віктар Цяпін не быў зарэгістраваны кандыдатам у дэпутаты гарсавета па прычыне таго, што “сам паставіў” даты ў падпісных лістах. Абскарджванне нерэгістрацыі ў абласной камісіі станоўчых вынікаў не дало. У пошуках праўды грамадскі актывіст звярнуўся ў суд.

06.04.2010 «Бобруйскому курьеру» не даюць інфармацыі

Недзяржаўнае выданне ўсё часцей сутыкаецца з адмовамі ў інфармацыі ад прадстаўнікоў дзяржаўных установаў. Паводле галоўнага рэдактара газеты, строгае ўказанне на гэты конт паступіла прадстаўнікам ведамстваў з Бобрускага гарвыканкама.

06.04.2010 Гомельская кааліцыя АДС здымае сваіх кандыдатаў з выбараў

Гомельская кааліцыя АДС - у прыватнасці, арганізацыі партыі «Справядлівы свет» і АГП - здымаюць сваіх кандыдатаў. Адпаведнае рашэнне прынялі савет абласной арганізацыі АГП і абласны камітэт “левых”. Але па тры сябры гэтых партыяў, якія вылучалілся і па партыйных спісах і шляхам збору подпісаў, працягваюць свой удзел у выбарах у якасці кандыдатаў у дэпутаты.

06.04.2010 Актывіста Яўгена Якавенку зрабілі “ўхілістам” і будуць судзіць

Справу па ўхіленьні ад вайсковага прызыву актывіста “Беларускай хрысціянскай дэмакратыі” Яўгена Якавенкі перадалі ў суд Цэнтральнага раёну Гомеля. Аб гэтым ён даведаўся сёньня, калі атрымаў ліст з мясцовай пракуратуры.

06.04.2010 Судовыя выканаўцы ў кватэры Анжалікі Борыс

У Горадні ў кватэру Анжалікі Борыс на Азёрскай шашы прыехалі судовыя выканаўцы, каб апісаць маёмасьць. Як кіраўнік фірмы “Палёніка”, яна была аштрафаваная на 4 мільёны 200 тысяч рублёў. Сама фірма мае 122 мільёны рублёў штрафаў.

06.04.2010 Барысаў: Апазіцыйнага кандыдата выставілі маргіналам

Як паведаміў Сяргей Салаш – давераная асоба кандыдата ў дэпутаты ў Барысаўскі райсавет, актыіста руху «За свабоду» Дзмітрыя Бабіцкага - раённая выбарчая камісія вырашыла падаць апазіцыйнага кандыдата як маргінала. Біяграфія Бабіцкага была ўціснута ў адзін радок. Пры гэтым была вылучана яго прыналежнасць да Партыі БНФ, але выкрэслены шэраг біяграфічных фактаў.

06.04.2010 Анатоль Паўлаў: вынік выбараў зразумелы, а астатняе - проста гульня

- Мы не можам проста сказаць сваім людзям - здымайце, - заўважыў Анатоль Паўлаў, старшыня Менскай арганізацыі АГП . - Бо многія з іх правялі добрую падрыхтоўчую працу, сабралі каманду, і ім цікава працягнуць барацьбу. Гэтыя кандыдаты адпрацуюць выбары цалкам і атрымаюць добры вопыт. Ужо пачаліся іх выступы па радыё, распаўсюд інфармацыі аб сваіх платформах і праграмах, што, у прынцыпе, мы і планавалі ў самым пачатку выбараў.

06.04.2010 Баранавіцкая пракуратура ізноў ухіляецца ад прамога выканання сваіх абавязкаў

Назіральнік Сяргей Гоўша атрымаў чарговую адпіску з баранавіцкай пракуратуры за подпісам І.Л.Палыка. У сваёй заяве сп.Гоўша звяртаў увагу пракурора на вялікую колькасць злоўжыванняў і парушэнняў выбарчага заканадаўства Баранавіцкай гарадской тэрытарыяльнай выбарчай камісіяй.

06.04.2010 У Светлагорскім раёне шукаюць 39 выбаршчыкаў

Разабрацца з колькасцю выбаршчыкаў у Светлагорскім раёне вырашылі Мікалай Лазарэнка і Ірына Сарычава, якія працуюць у акруговых выбарчых камісіях у Светлагорску (Гомельская вобласць). Справа ў тым, што дадзеныя, апублікаваныя рознымі камісіямі, не супадаюць паміж сабой.